Boyd Sense: Tech

Home / Tech

Showing posts with label Tech. Show all posts

រ៉ូបូតទើបបង្កើតថ្មី Walk-Man នឹងជំនួសការងារគ្រោះថ្នាក់របស់មនុស្ស

ក្រុមអ្នកស្រាវជ្រាវបានបង្កើតស្នាដៃថ្មីមួយទៀត ដែលនឹងអាចជួយសម្រួលការងារគ្រោះថ្នាក់ទាំងឡាយរបស់មនុស្សបាននាពេលអនាគត។ រ៉ូបូត Walk-Man នឹងធ្វើការជំនួសអ្នកពន្លត់អគ្គីភ័យ ទាហាន និងក្រុមអ្នកជំនាញដោះគ្រាប់បែក ដែលសុទ្ធតែប្រថុយគ្រោះថ្នាក់ដល់ជីវិត។

រ៉ូបូតដ៏អស្ចារ្យនេះបង្កើតឡើងដោយក្រុមវិស្វករនៅប្រទេសអ៊ីតាលី ជាមួយមុខងារធ្វើសកម្មភាពផ្សេងៗជាច្រើនដូចមនុស្ស។ វិទ្យាស្ថានបច្ចេកវិទ្យាអ៊ីតាលី Italian Institute of Technology និងសាកលវិទ្យាល័យ University of Pisa ជាអ្នករៀបចំបង្កើតរ៉ូបូតដ៏ពិសេសនេះឡើងតាំងពីឆ្នាំ២០១៣ ហើយវាបានលេចចេញជារូបរាងនៅទី១ កាលពីខែមិថុនាសម្រាប់ចូលរួមប្រកួត DARPA Robotics ។

ក្រុមអ្នកស្រាវជ្រាវបាននិយាយថា នៅពេលអនាគត Walk-Man អាចនឹងបញ្ជូនទៅបំពេញការងារជំនួសមនុស្ស ដូចជាផ្នែកជំនាញដោះគ្រាប់បែក ទាហាន និងអ្នកពន្លត់អគ្គីភ័យជាដើម។ ក្រុមវិស្វករមានសង្ឃឹមថា រ៉ូបូតដែលពួកគេបង្កើតឡើងនឹងអាចអភិវឌ្ឍខ្លួនឲ្យមានប្រសិទ្ធភាពកាន់ខ្លាំងទៅលើការងារជួយសង្គ្រោះ និងរុករក ដែលសុទ្ធតែមានគ្រោះថ្នាក់សម្រាប់មនុស្ស។

រ៉ូបូត Walk-Man មានកម្ពស់ ១,៨៣ម៉ែត្រ និងទម្ងន់ខ្លួនសរុប ១១៨គីឡូក្រាម បំពាក់ដោយមុខងារពិសេសជាច្រើន។ ប្រៀបដូចជាមនុស្សធម្មតាដែរ Walk-Man អាចប្រើដៃ និងជើង សម្រាប់រក្សាលំនឹងខ្លួនពេលបញ្ចេញសកម្មភាព៕

របាយការណ៍ថ្មី ចាត់ថ្នាក់បុគ្គលដែលមានឥទ្ធិពលបំផុតនៅក្នុងវិស័យបច្ចេកវិទ្យា

Business Insider ទើបបញ្ចេញរបាយការណ៍ថ្មីមួយរបស់ខ្លួនស្ដីពីបុគ្គលដែលមានឥទ្ធិពលបំផុតក្នុងវិស័យបច្ចេកវិទ្យាពិភពលោក។ ចង់ដឹងថា របាយការណ៍ថ្មី នរណាឈរនៅលេខរៀងទីប៉ុន្មាន មើលខាងក្រោមនេះ៖

១. Bill Gates
Gatesជាស្ថាបនិកក្រុមហ៊ុន Microsoft នៅឆ្នាំ១៩៧៥ និងក្លាយខ្លួនជាអ្នកមានជាងគេនៅលើពិភពលោក។ រហូតដល់បច្ចុប្បន្ន លោកមានទ្រព្យសម្បត្តិប្រមាណ ៨៧.៣ពាន់លានដុល្លារ។ ហើយបច្ចុប្បន្នលោកជាប្រធាន និងជាក្រុមប្រឹក្សាភិបាលនៃមូលនិធិ Bill and Melinda Gates ផង ដែលធ្វើការគាំទ្រដល់យុទ្ធនាការកាត់បន្ថយមេរោគអេដស៍, គ្រុនចាញ់ និងជំងឺផ្សេងៗទៀត។

២. Jeff Bezos
ជានាយកប្រតិបត្តិនៃគេហទំព័រ Amazon.com ដែលជាគេហទំព័រ E-commerce (លក់ទំនិញតាមអ៊ីនធឺណិត) ធំជាងគេបំផុតក្នុងពិភពលោក។ លោកមានទ្រព្យប្រហែលជា៥៥ពានលានដុល្លារ។

៣. Larry Page
ជានាយកប្រតិបត្តិ និងជាសហស្ថាបនិក Alpabet Inc។ Alpabet Inc ជាក្រុមហ៊ុនបុត្រសម្ព័ន្ធរបស់Googleដែលមានសិទ្ធិត្រួតពិនិត្យ និងសម្រេចនូវរាល់គម្រោងការវិនិយោគនានារបស់ Google ។ បច្ចុប្បន្ន Larry Page មានទ្រព្យសម្បត្តិប្រមាណ ៤២ពាន់លានដុល្លារ។

៤. Mark Zuckerberg
ជាស្ថាបនិក និងជានាយកប្រតិបត្តិ នៃបណ្ដាញសង្គម Facebook។ ហ្វេសប៊ុកជាបណ្ដាញសង្គមដែលមានអ្នកប្រើប្រាស់ប្រមាណមួយពាន់លាននាក់ជារៀងរាល់ថ្ងៃ។ ភាគហ៊ុនរបស់ក្រុមហ៊ុននេះបានកើនឡើងប្រហែល៤០% នៅខែវិច្ឆិកាឆ្នាំ ២០១៥ ហើយជាលទ្ធផលតម្លៃ Facebook បានកើនឡើងដល់៤៧,៦ពាន់លានដុល្លារ។

៥. Sergey Brin
ជាសហស្ថាបនិក និងជាប្រធានរបស់ Alpabet Inc។ Brin ជាដៃគូររបស់ Larry Page ក្នុងការបង្កើត Google។ ហើយបច្ចុប្បន្ន Sergey Brin មានទ្រព្យសម្បត្តិប្រមាណ៣៨ពាន់លានដុល្លារ។

៦. Jack Ma

ស្ថាបនិក និងជានាយកប្រតិបត្តិក្រុមហ៊ុនលក់ទំនិញតាមអ៊ីនធឺណិត Alibaba គឺជាអ្នកមានលំដាប់លេខពីរនៅចិន ដោយសារតែក្រុមហ៊ុនលក់ទំនិញតាមអនឡាញរបស់ខ្លួន។ Jack Ma មានទ្រព្យ ២៥.៦ពាន់លានដុល្លារ៕

ក្រុមហ៊ុន Apple Inc បើកសាខានៅវៀតណាម ខណៈ iPhone 6s និង 6s plus ទើបមកដល់កម្ពុជានៅថ្ងៃនេះ

News Tech

ក្រុមហ៊ុន Apple Inc បានបើកក្រុមហ៊ុនបុត្រសម្ព័ន្ធមួយរបស់ខ្លួន នៅប្រទេសវៀតណាម ដើម្បីឲ្យក្រុមហ៊ុនផលិតទូរសព័្ទ iPhones នេះអាចនាំចូល និងចែកចាយទូរស័ព្ទស្មាតហ្វូន ដោយផ្ទាល់ នៅក្នុងទីផ្សារទូរស័ព្ទស្វាតហ្វូន ដែលលូតលាស់ជាងគេនៅតំបន់អាស៊ីប៉ាស៊ីហ្វិក។

ក្រុមហ៊ុនបុត្រសម្ព័ន្ធនេះមានឈ្មោះថា Apple Vietnam Limited Liability ត្រូវបានបង្កើតឡើងកាលពីថ្ងៃទី ២៨ ខែតុលា ជាមួយដើមទុន ដែលចុះក្នុងបញ្ជីមានតម្លៃ ១៥ប៊ីលានដុង (ស្មើនឹង ៦៧២,១៩៤ ដុល្លារអាមេរិក)។

ក្រុមហ៊ុនបុត្រសម្ព័ន្ធរបស់ Apple ដែលមានមូលដ្ឋាននៅទីក្រុង ហូជីមិញមួយនេះ នឹងគ្រប់គ្រងនៃការធ្វើអាជីវកម្មការលក់ដុំនៃ ប្រភេទផលិតផលផ្សេងៗគ្នា ដែលក្នុងនោះរួមមានផលិតផលទូរស័ព្ទស្មាតហ្វូន ការផ្តល់នូវពត៌មានបច្ចេកវិទ្យា និងសេវាជួសជុល ព្រមទាំងសេវាកម្មផ្តល់ទីប្រឹក្សាផងដែរ។

គួជម្រាបថា ចំនួនអ្នកប្រើប្រាស់ទូរស័ព្ទចល័តនៅវៀតណាមកើនឡើង ២៦ភាគរយស្មើនឹង ១២៤លាននាក់ ដោយគិតចាប់តាំងឆ្នាំ ២០០៩ រហូតដល់ឆ្នាំ ២០១៣ ខណៈដែលចំនួនអ្នកប្រើប្រាស់អ៊ីនធើណេតកើនលើសពី ១ភាគ៣ នៃចំនួនប្រជាជន ៩០លានលាក់ ក្នុងរយៈពេល ២ឆ្នាំកន្លងមកនេះ។

ទន្ទឹមនេះដែរ ទូរស័ព្ទស្មាតហ្វូនស៊េរីថ្មីរបស់ក្រុមហ៊ុន Apple គឺ iPhone 6s និង iPhone 6s Plus ទើបតែមានវត្តមាននៅលើទីផ្សារនៅកម្ពុជា ជាផ្លូវការនៅថ្ងៃនេះ ដែលនាំចូលដោយក្រុមហ៊ុន iOne៕

4G LTE របស់ សែលកាត ដាក់ឲ្យដំណើរការហើយ

Business News Tech

ភ្នំពេញ៖ ក្រុមហ៊ុន សែលកាត បានសម្ពោធដាក់ឲ្យដំណើរការ និងប្រើប្រាស់ប្រព័ន្ធ 4G LTE ជាផ្លូវការនៅក្នុងរាជធានីភ្នំពេញ និងតាមបណ្ដាខេត្តចំនួនប្រាំមួយ ក្នុងប្រទេសកម្ពុជា។ 4G LTE គឺជាបច្ចេកវិទ្យាទូរគមនាគមន៍ចល័ត ដែលអាចឲ្យលោកអ្នកទទួលបាននូវ ល្បឿនអ៊ីនធើណិតដ៏លឿន។

ក្រុមហ៊ុន សែលកាត នឹងតភ្ជាប់ល្បឿនអ៊ីនធើណិត 4G LTE ទៅកាន់បណ្ដាខេត្តមួយចំនួន រួមមាន ខេត្តបាត់ដំបង បន្ទាយមានជ័យ សៀមរាប កំពង់ចាម ស្វាយរៀង និងក្រុងព្រះសីហនុ។ គូសបញ្ជាក់ដែរថា លក្ខណៈពិសេសនៃល្បឿន 4G LTE គឺអាច Download ទំហំ ២០MB ដោយប្រើប្រាស់រយៈពេលត្រឹមតែ ២៥វិនាទី បើធៀបទៅនឹង 3G គឺត្រូវការរយៈពេល ៣នាទី។ មិនតែប៉ុណ្ណោះ ថែមទាំងអាច Upload និង Update បានលឿន និងអាចបើកអ៊ីនធើណិតបានច្រើនទំព័រ ក្នុងពេលតែមួយ។

លោក Lan Waston នាយកប្រតិបត្តិក្រុមហ៊ុន សែលកាតបានថ្លែងថា៖ «យើងជឿជាក់ថា សែលកាតផ្តល់ជូនអតិថិជនជាមួយនឹង បទពិសោធន៍ឌីជីថលដ៏សមស្របមួយ ហើយឥឡូវនេះយើងឃើញថា អ្នកប្រើប្រាស់ទូរស័ព្ទ ដែលមានសមត្ថភាពដែលភ្ជាប់ប្រព័ន្ធ 4G លើទីផ្សារគឺ មានចំនួនច្រើនគួរឲ្យសម្គាល់។ ទន្ទឹមនឹងនេះដែរ ក្រុមការងាររបស់សែលកាតនឹងខិតខំកែសម្រួលបណ្ដាញ ធ្វើយ៉ាងណាដើម្បីឲ្យល្បឿនអ៊ីនធើណិត 4G LTE មានដំណើរការល្អផ្ដាច់គេ»។

សម្រាប់អតិថិជនរបស់ក្រុមហ៊ុន សែលកាត ទាំងអស់ លោកអ្នកអាចមកប្ដូរស៊ីមកាត 4G LTE ដោយឥតគិតថ្លៃ។ សម្រាប់ព័ត៌មានបន្ថែមពីរបៀបប្រើបច្ចេកវិទ្យា 4G LTE សូមទូរស័ព្ទទៅលេខ 812 រៀងរាល់ថ្ងៃពេញ 24 ម៉ោង។

គួរជម្រាបដែរថា បើតាមតួលេខក្រសួងប្រៃសណីយ៍ និងទូរគមនាគមន៍កម្ពុជា ក្នុងរយៈពេល ៥ឆ្នាំចុងក្រោយនេះ អ្នកប្រើអ៊ិនធើណិតបានកើនឡើង ដែលមានចំនួនរហូតដល់ទៅជាង ៥លាន ៧ម៉ឺន ៤ពាន់នាក់។ នេះបើគិតត្រឹមខែកុម្ភៈ ឆ្នាំ ២០១៥ តែអំឡុងឆ្នាំ ២០១០ គឺមានតែជាង ៣២ម៉ឺននាក់តែប៉ុណ្ណោះ។ តួលេខនេះបានកើនឡើងចំនួន ១៦ដង ហើយច្រើនជាង ១ភាគ៣នៃប្រជាជនកម្ពុជាសរុប៕

ប្រព័ន្ធ Wi-Fi ជាឃាតករលាក់មុខអាចសម្លាប់អ្នកដោយសន្សឹមៗ

Health Tech

ប្រព័ន្ធ Wi-Fi ជាបណ្ដាញឥតខ្សែមួយ សម្រាប់តភ្ជាប់ឧបករណ៍អេឡិចត្រូនិចដោយមិនពឹងផ្អែកទៅលើខ្សែ។ សព្វថ្ងៃប្រព័ន្ធ Wi-Fi វាកំពុងទទួលបានជោគជ័យយ៉ាងខ្លាំងនៅទូទាំងពិភពលោក និងមានស្ទើរតែគ្រប់ទីកន្លែងសូម្បីតែក្នុងក៏មានដែរ។ ចាប់តាំងពីមានទូរស័ព្ទកាន់តែទំនើប វាក៏ធ្វើឲ្យអ្នកទទួលបាននូវអត្ថប្រយោជន៍ពីសេវាកម្មរបស់វាជាច្រើនផងដែរ។ ទទ្ទឹមនឹងនេះ សូមអ្នកកុំភ្លេចថា វាក៏មានផលអវិជ្ជជាច្រើនដែលប៉ះពាល់ដល់សុខភាព និងអាយុជីវិតរបស់អ្នកដែរ។

Router គឺជាឧបករណ៍ដែលត្រូវបានគេប្រើនៅក្នុងផ្ទះ ឬកន្លែងផ្សេងៗទៀត ដើម្បីធ្វើការតភ្ជាប់ឧបករណ៍ឥតខ្សែដូចជា ស្មាតហ្វូន ឬកុំព្យូទ័រ និងគ្រឿងអេឡិចត្រូនិចជាច្រើនទៀត ដែលពាក់ព័ន្ធទៅនឹងសេវាកម្មរបស់វា។ ឧបករណ៍ Router វាបានបញ្ចេញរលកសញ្ញា WLAN សម្រាប់ឲ្យឧបករណ៍អេឡិចត្រូនិចផ្សេងៗតភ្ជាប់ដោយបណ្ដាញឥតខ្សែ ដែលធ្វើឲ្យមានផលប៉ះពាល់យ៉ាងធ្ងន់ធ្ងរដល់សុខភាពរបស់អ្នក។ មនុស្សជាច្រើនគាត់មិនសូវអើពើជាមួយនឹងបញ្ហានេះទេ ដោយសារតែពួកគាត់មិនបានដឹង ឬមកពីកង្វះនៃចំណេះដឹងដែលទាក់ទងនឹងបញ្ហាទាំងនេះ។ ពេលវាចាប់ផ្ដើមជាមួយនឹងរលកសញ្ញាអេឡិចត្រូនិចដែលត្រូវប៉ះពាល់នឹងខ្លួនប្រាណមនុស្ស និងបង្កឲ្យមានគ្រោះថ្នាក់ដល់អ្នក។ ការសិក្សានេះត្រូវបានធ្វើឡើងដោយ ភ្នាក់ងារសុខភាព អង់គ្លេស ហើយបានបង្ហាញថា Router វាអាចបង្អាក់ដល់ការរីតលូតលាស់ទាំងមនុស្ស និងរុក្ខជាតិ។

ផលវិបាកនៃការប្រើប្រាស់ Wi-Fi ច្រើនពេក៖

– អស់កម្លាំងរុំារ៉ៃ

– ការឈឺត្រចៀក

– កង្វះនៃការផ្ដោតអារម្មណ៍

– ឈឺក្បាលញឹកញាប់

– បញ្ហាក្នុងការគេង។

តាមការពិតទៅ បច្ចេកវិទ្យាវាពិជាចាំបាច់ និងត្រូវការខ្លាំងណាស់មនុស្សនាពេលបច្ចុប្បន្នដើម្បីភាពរីកចម្រើន។ ខាងក្រោមនេះ អ្នកស្រាវជ្រាវបានធ្វើការចែករំលែកពីការណែនាំមួយចំនួយនៃរបៀបប្រើប្រាស់ Router ឲ្យមានសុវត្តិភាព និងកាត់បន្ថយគ្រោះថ្នាក់ពីឧបករណ៍ទាំងនេះ។

តើធ្វើដូចម្ដេចដើម្បីការពារកុមារពីរលកសញ្ញាទាំងនេះ៖

– ផ្ដាច់ ឬបិទកម្មវិធីប្រើជាមួយ Wi-Fi មុនពេលចូលគេង

– បិទប្រព័ន្ធ Wi-Fi នៅពេលដែលអ្នកមិនប្រើឧបករណ៍ឥតខ្សែ

– ប្រសិនបើអ្នកប្រើប្រាស់ទូរសព្ធឥតខ្សែនៅសណ្ឋាគារ ឬលំនៅដ្ឋាន អ្នកអាចជំនួសវាជាមួយនឹងទូរសព្ទប្រើខ្សែវិញ

– ជៀសវាងការប្រើ Router នៅក្នុងផ្ទះបាយ និងបន្ទប់គេងជាដាច់ខាត៕