Boyd Sense: Health

Home / Health

Showing posts with label Health. Show all posts

អនុវត្តន៍វិធីសាស្ត្រដ៏សាមញ្ញាទាំង ៨ នេះ ប្រសិនបើអ្នកចង់កំចាត់ ខ្លាញ់ក្បាលពោះរបស់អ្នក

តើអ្នកកំពុងស្វែងរកដំណោះស្រាយ ដែលអាចជួយកំចាត់ខ្លាញ់ត្រង់ក្បាលពោះ របស់អ្នកមែនទេ? ប្រសិនបើអ្នកចង់អោយវាស្រក់ឆាប់រហ័ស អ្នកត្រូវតែចាប់ផ្តើមជាមួយការហាត់ប្រាណ និង រក្សាការញុំាអាហារដែលផ្តល់សុខភាពល្អ។ ខាងក្រោមនេះជាវិធីធម្មជាតិទាំង ៨ ដែលមានឥទ្ធិពលដល់ការសំរកក្បាលពោះរបស់អ្នក៖

១. ញុំាទឹកក្រូចឆ្មារមុនគេបង្អស់ជារៀងរាល់ព្រឹក
ញុំាទឹកក្តៅឧណ្ហៗមួយកែវ លាយជាមួយក្រូចឆ្មារមួយផ្លែ បន្ថែមអំបិលបន្តិចចូល។ រួចផឹកវាជារៀងរាល់ព្រឹក វាជួយជំរុញដល់ការរំលាយអាហារ និង ជួយអ្នកកំចាត់ខ្លាញ់ត្រង់ក្បាលពោះរបស់អ្នក។

២. ជៀសវាងការញុំាអង្ករស ប្រសិនជាអាចធ្វើបាន
អ្នកអាចកែប្រែទំលាប់ញុំាបាយអង្ករស មកជាការញុំាផលិតផលដែលធ្វើពីស្រូវសាឡី រួមមាននំបុ័ងដែលធ្វើស្រូវសាឡី, អង្ករសំរូប, គ្រាប់ធញ្ញាជាតិ និង ម្សៅគ្រាប់ធញ្ញាជាតិ (oat) ធ្វើជាអាហារប្រចាំថ្ងៃរបស់អ្នកវិញ។

៣. ជៀសវាងការញុំាស្ករ
កុំញុំាស្ករ, ភេសជ្ជៈផ្អែម និង អាហារដែលសំបូរទៅដោយប្រេង។ ពួកវាបង្កើនជាតិខ្លាញ់ក្នុងរាងកាយ ជាពិសេសត្រង់ពោះ និង ភ្លៅ។

៤. ផឹកទឹកអោយបានច្រើន
ផឹកទឹកអោយបានច្រើនជារៀងរាល់ថ្ងៃជួយជំរុញការរំលាយអាហារ និង បញ្ចេញជាតិពុលពីក្នុងរាងកាយ។ អ្នកត្រូវប្រាកដថាផឹកទឹកអោយបានយ៉ាងតិច ៨ កែវក្នុងមួយថ្ងៃ។

៥. ញុំាខ្ទឹមសឆៅ
ញុំាខ្ទឹមសឆៅ ២ ទៅ ៣ កំពឹសជារៀងរាល់ព្រឹក ហើយផឹកទឹកក្រូចឆ្មារតាមក្រោយ នឹងជួយបង្កើនការសំរកទំងន់របស់អ្នកទ្វេរដង ហើយវានឹងជួយធ្វើអោយចលនាឈាមរត់ក្នុងរាងកាយរបស់អ្នកប្រសើរឡើងវិញ។

៦. ជៀសវាងអាហារសាច់សុទ្ធ
ដើម្បីកំចាត់ជាតិខ្លាញ់ត្រង់ក្បាលពោះរបស់អ្នក, អ្នកគួរតែជៀសវាងការញុំាអាហារដែលមានសាច់ច្រើន និង អាហារដែលសំបូរទៅដោយខ្លាញ់ តាមដែលអាចធ្វើទៅបាន។

៧. ញុំាបន្លែ និង ផ្លែឈើអោយបានច្រើន
ញុំាផ្លែឈើមួយចានជារៀងរាល់ព្រឹក និង ល្ងាចនឹងបំពេញសារធាតុប្រឆាំងអុកស៊ីតកម្ម, ជាតិរ៉ែ និង វីតាមីនក្នុងរាងកាយរបស់អ្នក។

៨. ប្រើគ្រឿងទេសដែលអ្នកចំអិនម្ហូម ដើម្បីកំចាត់ជាតិខ្លាញ់
ឈើអែម (រកទិញនៅកន្លែងលក់គ្រឿងទេស), ខ្ញី និង ម្រេចខ្មៅ គឺមានផ្ទុកអត្ថប្រយោជន៍សុខភាពជាច្រើន។ ពួកវាជួយធ្វើអោយប្រសើរឡើងនូវភាពធន់របស់អាំងស៊ុយលីន និង កាត់បន្ថយជាតិស្ករក្នុងឈាមរបស់អ្នក៕

អានអត្ថបទខាងក្រោម ប្រសិនបើអ្នកចង់ការពារជំងឺឬសដូងបាត

Health

ជំងឺឬដូងបាត កើតឡើងពីស្ថានភាពឈាមដក់ កកក្នុងសរសៃឈាមខ្មៅនៃភ្នាសរន្ធទ្វារធំ (ទ្វារលាមក) ធ្វើឲ្យសរសៃឈាម និងជាលិកាកាន់តែរីកធំឡើងនៅបរិវេណចុងបំផុតរបស់ពោះវៀន បង្កឲ្យអ្នកជំងឺឈឺចាប់ខណៈពេលបន្ទោបង់ ហើយមូលហេតុមួយភាគកើតពីអាការទល់លាមក ឬរាករួសរុំាំរៃ និងចំពោះក្រុមអ្នកដែលពុំចូលចិត្ដពិសាទឹក ដោយនៅអំឡុងអាយុ២០-៣០ឆ្នាំ អាចកើតជាៗ រហូតដល់អាការខ្លាំងឡើងនៅអាយុ៤០-៥០ឆ្នាំ។

ការព្យាបាល និងការពារជាទូទៅ ត្រូវមើលលើការបន្ទោបង់ឲ្យបានប្រក្រតី ហាត់ប្រាណទៀតទាត់ ពិសាទឹកឲ្យគ្រប់គ្រាន់ ទទួលទានបន្លែ ផ្លែឈើ ដើម្បីជួយបន្ថែមកាកសរសៃអាហារ ជួយឲ្យបន្ទោបង់បានស្រួលឡើង ហើយខិតខំសម្អាតកុំបណ្ដោយឲ្យគូទសើម ឬស្មោកគ្រោក ត្រូវជូត និងធ្វើឲ្យស្ងួត ប៉ុន្ដែមិនគួរប្រើទឹកថ្នាំសម្លាប់មេរោគ លាងបរិវេណទ្វារធំ ព្រោះអាចនាំឲ្យរលាកបាន។
ក្នុងករណីមានជំងឺឬសដូងបាតហើយ គួរតមពិសាគ្រឿងស្រវឹង ព្រោះវាកាន់តែធ្វើឲ្យឬសដូងបាតប៉ោងធំឡើងទៀត។ ចំពោះអ្នកជំងឺឬសដូងបាត ដែលមានអាការធ្ងន់ធ្ងរ អាចត្រូវទទួលការវះកាត់ ឬព្យាបាលតាមរបៀបដាច់ដោយឡែកតាមកម្រិតរបស់អាការនៃអ្នកជំងឺម្នាក់ៗ។
ទោះជាយ៉ាងណាគួរងាកមកយកចិត្ដទុកដាក់ពីការទទួលទាន និងការពញ្ចេញចោល ឲ្យបានត្រឹមត្រូវ ដើម្បីបង្ការ និងកាត់បន្ថយជំងឺឬសដូងបាត៕

ស្ថានភាព ៥យ៉ាងអាចធ្វើឲ្យអ្នកស្លាប់ភ្លាមៗ នៅពេលរួមរ័ក្ស

គ្មាននណាម្នាក់ដែលអាចជៀសវាងផុតពីចំណងតណ្ហានោះទេ ព្រោះនេះជាវាលវដ្តសង្សាដែលធម្មជាតិបានផ្តល់ឲ្យតាំងពីកំណើតមកម្លះ។ មិនថាអ្នកនោះមានរូបរាងទាប ឬខ្ពស់នោះទេសុទ្ធតែមានចំណងដូចៗគ្នា គ្រាន់តែចំណងរសប់មនុស្សម្នាក់ៗតិច ឬច្រើនតែប៉ុណ្ណោះ។ ប៉ុន្តែអ្នកត្រូវចង់ចាំថាការររួមភេទទៅតាមចំណងដែលមិនត្រឹមត្រូវអាចធ្វើឲ្យស្លាប់ភ្លាមៗក្នុងពេលដែលកំពុងប្រតិបត្តការ។ ហេតុនេះហើយអ្នកគួរតែយល់ដឹងពីកត្តាមួយចំនួនដែលគួរជៀសវាងមុនពេលរួមរ័ក្ស។

- អស់កំលាំងពេក

ការអង្គុយក្នុងរថយន្ត រថភ្លើង ឬធ្វើការយូរពេក អ្នកអាចប្រឈមនឹងការស្លាប់ភ្លាមៗក្នុងពេលរួមភេទ។ ប្រសិនបើក្នុងករណីនេះអ្នកប្រញាប់ធ្វើការរួមភេទទៅតាមចំណងខ្លាំងពេក អាចធ្វើឲ្យប្រព័ន្ធសសៃឈាមបេះដូងមានសកម្មភាពខ្លាំងដែលបណ្តោលឲ្យស្លាប់មួយរំពេច។ ដូច្នេះគូស្នេហ៍គ្រប់រូបគួរតែអនុញ្ញាឲ្យរាងកាយសម្រាកឲ្យបានគ្រប់គ្រាន់មុននឹងចាប់ផ្តើមប្រតិបត្តិការ។

- អាយុខុសគ្នាខ្លាំងពេក

គូស្នេហ៍ដែលមានអាយុខុសគ្នាច្រើនពេករវាងគូស្នេហ៍ ជាពិសេសគឺបុរសមានវ័យចំណាស់អាចបង្កើនអត្រាបេះដូងឡើងខ្ពស់ពេលមានអារម្មណ៍ញាប់ញ័រម្តងៗ។ កត្តាបែបនេះអាចបណ្តោលឲ្យសសៃឈាម និងសម្ពាធឈាមកើនឡើងខ្ពស់ រហូតដល់រហែកទ្រនាប់សសៃឈាមដែលធ្វើឲ្យស្លាប់ភ្លាមៗ។

- ជំងឺបេះដូង

អ្នកដែលមានមានជម្ងឺសសៃឈាមក្នុងបេះដូង ងាយនឹងទទួលរងនូវសម្ពាតឈាមឡើងខ្ពស់ណាស់នៅពេលដែលមានអារម្មណ៍រំភើបម្តងៗ។ ដូច្នេះហើយដើម្បីជៀសវាងការមានគ្រោះថ្នាក់ដល់ជីវិត អ្នកគួរតែប្រើថ្នាំជំនួយបេះដូង ឬក៏កាត់បន្ថយអារម្មណ៍ត្រេកត្រអាលជាមួយនឹងតណ្ហា។

- រួមភេទបន្ទាប់ពីពិសាគ្រឿងស្រវឹង

មនុស្សដែលញៀននឹងគ្រឿងស្រវឹងឆាប់មានអាម្មរណ៍ផ្លូវភេទ ប៉ុន្តែគ្រឿងស្រវឹងអាចធ្វើឲ្យសម្ពាធឈាមឡើងខ្ពស់នៅពេលដែលអ្នកមានអារម្មណ៍ស្រើបស្រាល។ ជាពិសេសធ្វើឲ្យមានជម្ងឺសសៃឈាមក្នុងបេះដូង ជម្ងឺដាច់សសៃឈាមក្នុងខួរក្បាល និងអាចធ្វើឲ្យស្លាប់ភ្លាមៗ។ កត្តាមួយនេះអ្នកគួរតែជៀសវាងប្រសិនអ្នកចង់រួមភេទជាមួយនឹងដៃគូ។

- ផលប៉ះពាល់នៃថ្នាំ
មនុស្សមួយចំនួនជឿជាក់ថា ការប្រើប្រាស់ថ្នាំក្នុងគោលបំណងដើម្បីបង្កើនសមត្ថភាពផ្លូវភេទបានយូរ។ ការប្រើប្រាស់ថ្នាំប្រភេទនេះអាចធ្វើឲ្យសម្រេចដូចបំណងក៏ពិតមែន ប៉ុន្តែបើប្រើហូសកម្រិតក៏បណ្តោលឲ្យស្លាប់មួយរំពេចផងដែរ។

*ចំណាំ៖ បន្ទាប់ពីការសម្រេចអារម្មណ៍ផ្លូវភេទជាមួយនឹងដៃគូររបស់អ្នកភ្លាម អ្នកមិនគួរក្រោកឈរឡើងភ្លាមៗនោះទេ៕

គេងលើស១ម៉ោងបន្ថែមជារៀងរាល់ថ្ងៃ ជួយបង្កើនចំណង់ផ្លូវភេទ

Health Love

សុខភាព៖ បើយោងតាមការសិក្សាដ៏គួឲ្យចាប់អារម្មណ៏ថ្មីមួយបានឲ្យដឹងថា ប្រសិនបើបងៗស្រ្តីជូបប្រទៈការធ្លាក់ចុះខ្សោយនូវចំណង់ផ្លូវភេទ វិធីងាយៗក្នុងការព្យាបាលនូវអាការៈនេះ គឺគ្រាន់តែទទូលទានដំណេកនៅពេលយប់លើស១ម៉ោងបន្ថែមជារៀងរាល់ថ្ងៃ នោះវានិងបង្កើនចំណង់ផ្លូវភេទនៅថ្ងៃបន្ទាប់។

ឆ្លុះបញ្ចាំងឲ្យឃើញថា ការគេងមិនគ្រប់គឺវាមានផលប៉ះពាល់ទៅដល់ចំណង់ផ្លូវភេទ ដូចនេះការបន្ថែមម៉ោងក្នុងការទទួលទានដំណេក គឺបានបង្កើនលទ្ធភាពផ្លូវភេទជាមួយដៃគួបាន១៤ភាគរយ។

លទ្ធផលនេះ បានរកឃើញថាស្រ្តីដែលគេងបានយូគឺប្រឈមទៅនិងបញ្ហានេះតិចទូចប៉ុណ្ណោះ ជាងស្រ្តីដែលគេងបានតិច។ ហើយជាមធ្យមស្រ្តីគេងបាន ៧ម៉ោង និង ២២នាទីក្នុងមួយថ្ងៃ នេះបើយោងតាមការចេញផ្សាយដោយការសែត Journal of Sexual Medicine។

ថ្វីត្បិតបញ្ហាសម្រើបនិងចំណង់ផ្លូវភេទនៃការគេងនេះ ទទួលបានការយកចិត្តទុកដាក់តិចតួចក្តី ក៏ប៉ុន្តែការរកឃើញនេះបានបង្ហាញថា ការគេងមិនគ្រប់គ្រាន់អាចបន្ថយចំណង់ផ្លូវភេទ និងបញ្ហាសម្រើបរបស់ស្រ្តី។

អ្នកស្រាវជ្រាវនៃមហាវិទ្យាល័យ Michigan លោក David Kalmbach បាននិយាយថា ការគេងគ្រប់គ្រាន់និងទទួលបានផលវិជ្ជមានសំរាប់ស្រ្តីដែលចង់រួមភេទ និងក៏ទទួលបានការសម្រើបប្រដាប់ភេទបានល្អប្រសើរផងដែរ។

លោក Kalmbach បានឲ្យដឹងទៀតថាចំពោះការស្រាវជា្រវនេះ បានវាយតម្លៃឲ្យឃើញថាស្រ្តី១៧១នាក់ ដែលកំពុងសិក្សានៅមហាវិទ្យាល័យ ដែលបានរក្សាទុកសៀវភៅកំណត់ហេតុប្រចាំថ្ងៃ នៃការគេងរបស់ពួកគេដែលបានចូលប្រឡូកក្នុងសកម្មភាពផ្លូវភេទនៅថ្ងៃបន្ទាប់។

ទោះបីជាមានការចាប់អារម្មណ៏ចំពោះបញ្ហានេះតិចតូចក្តី ក៏ប៉ុន្តែឥឡូវនេះក្រុមអ្នកស្រាវជ្រាវត្រូវបានគេសម្លឹងមើលនិងចាប់អារម្មណ៏ បើសិនជាជំងឺនៃការគេងគឺជាកត្តាហានិភ័យមួយសម្រាប់ការខូចមុខងារផ្លូវភេទ នោះពួកគេនិងមានវិធានការណ៏ភ្លេម។

នាយកដ្ឋានប្រយុទ្ធនឹងជំងឺឆ្លង ប្រាប់ពីវិធីបង្ការនិងទប់ស្កាត់ជំងឺស្រឡទែន

Health

រាជធានីភ្នំពេញ៖ នាយកដ្ឋានប្រយុទ្ធនឹងជំងឺឆ្លងនៅកម្ពុជា បានជូនដំណឹងជាសាធារណៈ នៅថ្ងៃទី១៣ ខែសីហា ឆ្នាំ២០១៥នេះថា នាពេលកន្លងមកថ្មីៗនេះ នាយកដ្ឋានបានទទួលរបាយការណ៍អំពីការកើតមានឡើងនៃជំងឺស្រឡទែន ដោយបណ្ដាលមកពីមេរោគវីរុសដែលប៉ះពាល់ទៅដល់ក្រពេញទឹកមាត់។

ដូចនេះ ដើម្បីទប់ស្កាត់ជំងឺស្រឡទែនខាងលើនេះ នាយកដ្ឋានប្រយុទ្ធនឹងជំងឺឆ្លង បានផ្ដល់សារនៃការអប់រំមួយចំនួន ដូចមានខាងក្រោម៖

ស្រឡទែន (Mumps) គឺកើតឡើងបណ្ដាលពីមេរោគវីរុសដែលប៉ះពាល់ទៅដល់ក្រពេញទឹកមាត់ ហើយវីរុសនេះឆ្លងតាមការប៉ះពាល់ដោយផ្ទាល់ឬតាមដំណក់តូចៗ ចេញពីផ្លូវដង្ហើមរបស់អ្នកជំងឺស្រឡទែន។

ប្រភពខាងលើបានបន្តថា ជាធម្មតារោគសញ្ញាដំបូងគឺកើតឡើងនៅ២-៣សប្ដាហ៍ បន្ទាប់ពីការឆ្លងមេរោគវីរុស ដោយមានអាការរួមមាន ឈឺក្បាល ឈឺសាច់ដុំ គ្រុនក្ដៅស្ទេញៗ និងល្ហិតល្ហៃហើយមិនយូរប៉ុន្មាន មានហើមប៉ោងក្រពេញទឹកមាត់នៅគុម្ពត្រចៀក ផ្នែកខាងមុខម្ខាងឬទាំងសងខាង។

វីរុសនេះជាធម្មតាបណ្ដាលឲ្យមានជំងឺស្រាលចំពោះកុមារ ប៉ុន្តែចំពោះមនុស្សពេញវ័យអាចនាំឲ្យមានផលវិបាកដូចជា ជំងឺរលាកស្រោមខួរនិងរលាកពងស្វាសម្ខាងឬទាំងសងខាង ហើយស្រឡទែននេះអាចបង្ការបានដោយការចាក់ថ្នាំបង្ការ តែគ្មានឱសថព្យាបាលជាក់លាក់ទេ គឺមានតែការព្យាបាលគាំទ្រវេជ្ជសាស្ត្រ។

តើត្រូវធ្វើអ្វីពេលអ្នកកើតស្រឡទែន?

នាយកដ្ឋានប្រយុទ្ធនឹងជំងឺឆ្លង បានបញ្ជាក់ពីវិធីសាស្ត្រាមួយចំនួន សម្រាប់អ្នកកើតជំងឺស្រឡទែននេះ ដូចខាងក្រោម៖

ទី១ អ្នកគួរតែជៀសវាងប៉ះពាល់ជិតស្និទ្ធជាមួយអ្នកផ្សេងទៀត យ៉ាងហោចណាស់រយៈពេល៥ថ្ងៃ ក្រោយពីមានហើមប៉ោងគុម្ពត្រចៀក ព្រោះក្នុងអំឡុងពេលនេះ វាអាចចម្លងបាន។

ទី២ រយៈពេលដែលមេរោគវីរុសចូលរហូតដល់ចេញរោគសញ្ញាមានពី១២ថ្ងៃទៅ២៥ថ្ងៃ។

ទី៣ អ្នកមិនគួរទៅធ្វើការឬទៅសាលារៀនទេ ដោយអ្នកគួរស្នាក់នៅតែក្នុងផ្ទះ នៅពេលដែលអ្នកមានជំងឺស្រឡទែននិងកាត់បន្ថយការប៉ះពាល់ជាមួយមនុស្សដែលអ្នករស់នៅជាមួយ។ ឧទាហរណ៍៖ ប្រសិនជាអ្នកអាចធ្វើបាន ដេកនៅក្នុងបន្ទប់ដាច់ដោយឡែកពីគេ។

លើសពីនេះ នាយកដ្ឋានប្រយុទ្ធនឹងជំងឺឆ្លងបានប្រាប់ពីវិធីផ្សេងមួយចំនួនទៀត ដែលគួរធ្វើដើម្បីទប់ស្កាត់ការរីករាលដាលស្រឡទែននេះ ដោយទី១ ខ្ទប់មាត់និងច្រមុះរបស់អ្នកជាមួយក្រដាសឬក្រណាត់នៅពេលដែលអ្នកក្អកឬកណ្ដាស់ហើយបោះចោលក្នុងធុងសំរាម។ តែប្រសិនបើអ្នកគ្មានក្រដាសឬក្រណាត់ពេលអ្នកក្អកឬកណ្ដាស់ ត្រូវក្អកដាក់ផ្នែកខាងលើនៃដើមដៃរបស់អ្នកឬកែងដៃ ដោយមិនមែនលើបាតដៃ។

ទី២ ឧស្សាហលាងដៃរបស់អ្នកឲ្យបានញឹកញាប់ជាមួយសាប៊ូនិងទឹក ទី៣ ជៀសវាងចែករំលែកភេសជ្ជៈ ឬប្រដាប់ប្រដាបរិភោគជាមួយគ្នា និងទី៤ សម្លាប់មេរោគឲ្យបានញឹកញាប់នៅលើផ្ទៃដែលបានប៉ះពាល់ ដូចជាប្រដាប់ក្មេងលេង ទ្វារ និងតុជាដើម៕

៨ចំណុច ដែលបង្ហាញថាអ្នកកំពុងតែរួមភេទជាមួយ ស្រីក្រមុំព្រហ្មចារី

Health

ជាការពិតណាស់ សុភាពបុរសទាំងឡាយ តែងតែប្រាថ្នាចង់បាន ដៃគូដែលជាស្រីក្រមុំបរិសុទ្ធ ចេះរក្សាការពារ សន្ទះព្រហ្មចារី របស់ខ្លួនយ៉ាងណាម៉ិញ ល្បែងស្នេហា មិនមែនមានតែ មនុស្សប្រុសម្នាក់នោះទេ ពោលគឺមនុស្សស្រីក៏មាន ចំណង់ផ្លូវភេទ ដូចបុរសដែរ ប៉ុន្តែដោយសារតែ ទំនៀមទំលាប់ ប្រពៃណី ហើយជាពិសេសនោះ គឺគំនាប សង្គមទៅលើពួកនាង ទើបពួកគេ មិនដែលនិយាយចេញ ក្រៅ ឬស្វែងរកដៃគូ ដើម្បីរួមភេទ ដូចជាពួកបុរសៗនោះ។ ហេតុដូចនេះ តើមានសញ្ញាណ អ្វីខ្លះដើម្បីបញ្ជាក់ថា នារីម្នាក់នៅមានព្រហ្មចារី ឬភាពបរិសុទ្ធសម្រាប់ដៃគូ របស់គេនោះ? យោងទៅតាមការស្រាវជ្រាវ បានបង្ហាញថា មានកក្តា៨យ៉ាងដែល អាចបញ្ជាក់ថា អ្នកកំពុងតែរួមភេទ ជាមួយ នឹងស្រីក្រមុំបរិសុទ្ធ។ ចំណុចទាំងនោះមាន ដូចតទៅ៖

១. នាងខ្មាសអៀនខ្លាំងហើយ ខ្លួនឡើងរឹងដូចដុំថ្ម៖ យោងតាមការស្រាវជ្រាវ បានបង្ហាញថាការរួមភេទលើកដំបូង ក្នុងឆាកជីវិតរបស់ស្ត្រី គឺដង ខ្លួនទាំងមូលរឹងដូចដុំថ្ម ចំណែកខ្លួនប្រាណវិញមា នលក្ខណៈក្តៅរងារៗ ក្នុងរយៈពេល បបោស អង្អែលរបស់ភាគីបុរស ដោយការប្រើមាត់ថើបគ្រប់ទីកន្លែង នៅលើដងខ្លួនរបស់នាងរួម មាន គុំត្រចៀក កញ្ចឹងក ដើមទ្រូង និងកន្លែងសំខាន់របស់នាង។

២.មិនព្រមកន្ធែកជើង ដោយព្យាយាមត្បៀតវាជានិច្ច៖ ភាគច្រើន ស្ត្រីដែលពុំធ្លាប់រួមភេទសោះ នាងប្រាកដជាមានការអៀនខ្មាស់ ហើយជើងទាំងគូ របស់នាង ព័ន្ធរមូលចូលយ៉ាងណែន ហាក់ដូចជាមិនចង់អោយភាគីបុរសមានឱកាស ធ្វើអ្វីទៅ លើនាងបានឡើយ។ ការធ្វើបែបនេះដោយហេតុផលថានាង ខ្លាចភាគីបុរសចាប់ចំណុច ពិសេស ហើយធ្វើការស៊កបញ្ចូល ទើបនាងខំប្រឹងត្បៀត មិនព្រមបន្ធូរបន្តិចណាសោះ។ ប៉ុន្តែចូរចងចាំថា កក្តានេះ មិនមែនស្ត្រីគ្រប់រូបសុទ្ធតែមានទម្លាប់បែបនេះនោះទេ។

៣.នាងមិនអនុញ្ញាតអោយបើកភ្លើង៖ ការសំណូមពរអោយបិទភ្លើងក្នុងបន្ទប់ ពេលដែលចង់ឡើងគ្រែនោះ ជាចំណុចវិជ្ជមាន មួយ ដែលបង្ហាញថា ដៃគូរបស់អ្នកជាមនុស្សស្រី ដែលនៅមានភាពអៀនខ្មាស់ ដូចជាស្រីក្រមុំនៅព្រហ្មចារី។ ក្នុងនាមជាដៃគូល្អសូមសុភាពបុរសទាំងអស់ កុំព្យាយាមប្រឆាំងនឹងនាង ដោយចង់បើកភ្លើងដើម្បីមើលអោយបានច្បាស់ ឬយកភ្លើងពឹលទៅបញ្ជាំង ដូចជាឆ្លុះកង្កែបនោះ វាមិនមែនជាទង្វើល្អនោះទេ។ ការធ្វើបែបនេះ អាចធ្វើអោយនាងអស់អារម្មណ៍ ហើយអាចបង្កជាបញ្ហាក្នុងពេលនោះក៏ថាបាន។

៤.ដៃនាងលូកខ្ញាំសក់ ឬខ្នងរបស់អ្នកនៅពេលវាយលុក៖ ចំណុចនេះ គឺសំខាន់ខ្លាំងណាស់ ដែលបុរសៗទាំងឡាយ គួរកត់សម្គាល់ ព្រោះថានារីដែលពុំធ្លាប់រួមភេទកន្លងមក នាងច្បាស់ជាមានការពុះកញ្ជ្រោល ហើយស្រៀវស្រើបសព្វទីកន្លែង អារម្មណ៍អណ្តែងអណ្តូង លើវេហារកកោះរកត្រើយស្ទើរពុំឃើញ។ ដូចនេះនាងបានព្យាយាម ក្តិចខ្ញាំទៅលើអ្នកដើម្បីបន្សាប អារម្មណ៍ដែលកំពុងតែក្តៅរោលរាលនោះ។

៥.នាងឈឺនិងព្យាយាមបម្រះខ្លួនចេញ៖ ការរួមភេទលើកទីមួយរបស់ស្ត្រី គឺពិតជាធ្វើអោយនាងមានការឈឺចាប់ខ្លាំងណាស់ ដោយសារតែរន្ធទ្វារមាសរបស់នាង មិនទាន់បានបើក។ ក្នុងដំណាក់កាលនេះ ដោយសារតែការទ្រាំ ពុំបានចំពោះការឈឺចាប់ ធ្វើអោយនាងព្យាយាមងាកចេញ និងសុំអោយភាគីបុរស បញ្ឈប់ កណ្តាលទីក៏មាន។ ដើម្បីបញ្ជៀសបញ្ហានេះ ភាគីបុរសទាំងអស់ ចាំបាច់ត្រូវយល់ដឹង អំពីទុក្ខលំបាករបស់ស្ត្រី ឬអាចរកវីធីសាស្ត្របែបវិទ្យាសាស្ត្រវិញម្តង ដូចជាការធ្វើការបបោសអង្អែល និងប្រើ ទឹករំអិលអោយបានច្រើន ដើម្បីកាត់បន្ថយការឈឺចាប់ ទៅលើដៃគូជាទីស្រឡាញ់របស់យើងការធ្វើបែបនេះ ប្រាកដជាអាចអោយនាងទទួលបានអារម្មណ៍ ដល់កំពូលតាំងពី ថ្ងៃចាប់ផ្តើម លើកដំបូង។

៦.ឈាមចេញមកក្រៅតាមទ្វារមាស៖ ក្នុងចំណុចនេះ សូមបុរសទាំងពួងស្វែងយល់អោយបានទូលំទូលាយ ព្រោះស្ត្រីដែលមិនមានឈាមហូរចេញមក ក៏មិនមានន័យថា ពួកគេសុទ្ធតែធ្លាប់បានឆ្លងកាត់ ការរួមភេទនោះឡើយ ហើយស្ត្រីដែលមានឈាមចេញមក ក៏មិនមែនសុទ្ធតែនៅក្រមុំបរិសុទ្ធនោះដែរ។ ការស្រាវជ្រាវបានបង្ហាញថា ករណីដែលស្ត្រីនៅក្រមុំបរិសុទ្ធ ពេលរួមភេទលើកដំបូង មិនមានឈាមហូរ ចេញមក ធ្លាប់ជួបច្រើននាក់មកហើយ ព្រោះថាស្ត្រីទាំងនោះ បានបាត់បង់ព្រហ្មចារី ក្នុងខណៈ ដែលនាងជិះកង់ លោតកំពស់ ឬរអិលដួលជាដើម។ល។ ផ្ទុយមកវិញ ពេលដែលឃើញដៃគូ របស់អ្នកមានឈាមចេញមកក៏កុំទាន់អាលអរ ពេលខ្លះវាជាថ្ងៃខែរបស់នាងក៏ថាបាន។ ដូច្នេះ នៅពេលដែលស្ត្រី ទើបតែឆ្លងកាត់ការរួមភេទ ក្នុងគ្រាដំបូង មិនឃើញមានឈាម ចូរកុំភ័យ បារម្ភគិតថា មិនបរិសុទ្ធ ត្រូវសម្គាល់ពីលក្ខណៈបរិសុទ្ធរបស់នាង ទៅតាមចំណុចផ្សេងៗទៀត ក្នុងចំណោម ៨ ចំណុចក្នុងអត្ថបទនេះ។ គួរបញ្ជាក់ផងដែរថា សន្ទះព្រហ្មចារីមានលក្ខណៈ ស្តើងដែលអាចនឹងងាយបាត់បង់ដោយប្រការណាមួយណាស់។

៧. នាងសម្ងំតែគេង មិនព្រមបញ្ចេញសកម្មភាពអ្វីបន្ទាប់ពីដល់ត្រើយ៖ ពេលដែលភាគីបុរសបានសម្រេចដល់កំពូល នាងក៏ប្រញាប់ទាញភួយមកដណ្តប់ខ្លួន យ៉ាងជិតដោយមិនប្រញ៉ាប់ជូតចេញ ឬទៅលាងសម្អាតទ្វារមាសរបស់នាងឡើយ។ វាគឺខុសស្រឡះពី ក្រុមស្ត្រីដែលធ្លាប់ប្រឡូកក្នុងការរួមភេទ ពួកគេតែងតែមានក្រដាសជូតមាត់ ទុកនៅក្បែរខ្លួនរួច ជាស្រេចដើម្បីធ្វើការជូតសម្អាត បន្ទាប់ពីភាគីបុរស ដកប្រដាប់ភេទចេញពីទ្វារមាសរបស់នាង។

៨.នាងស្រវាទាញយកខោអាវ មកស្លៀកពាក់យ៉ាងលឿន៖ មនុស្សស្រីមួយចំនួន បន្ទាប់ពីការរួមដំណេកបានបញ្ចប់ភ្លាម នាងប្រញាប់យកខោទ្រនាប់ មក ស្លៀកភ្លាមដែរ ដើម្បីបិទបាំងភាពខ្មាស់អៀនដោយ មិនចង់អោយដៃគូរបស់នាងលួចមើល។ ការធ្វើបែបនេះមិនល្អនោះទេ! តាមដំបូន្មានរបស់គ្រូពេទ្របានអោយដឹងថា ស្ត្រីគ្រប់រូបគម្បី ចូលបន្ទប់ទឹក ដើម្បីធ្វើការលាងសម្អាតទៅលើប្រដាប់ភេទរបស់ខ្លួន បន្ទាប់ពីរួមរ័ក្សចប់សព្វ គ្រប់ការធ្វើបែបនេះ ដើម្បីកុំអោយឆ្លងជំងឺកាមរោគផ្សេងៗ និងការហូរជ្រាបចូលនៃទឹកកាម របស់ បុរសទៅក្នុងប្រដាប់ភេទ ដែលអាចបង្ករអោយមានផ្ទៃពោះដោយចៃដន្យបាន៕

ប្រើឱសថទាំងនេះអាចព្យាបាលមុខប្រហោងយ៉ាងមានប្រសិទ្ធភាពបំផុត

Health

បញ្ហាប្រហោងសាច់មុខជាបញ្ហាចម្បងនៃសម្រស់ដែលគួរឲ្យព្រួយបារម្ភបំផុត។ បញ្ហាប្រហោងមុខនេះមិនត្រឹមតែធ្វើឲ្យអ្នកបាត់បង់ភាពទាក់ទាញប៉ុណ្ណោះទេ តែក៏ត្រូវប្រឈមមុខនឹងបញ្ហាស្បែកជាច្រើនទៀតដូចជា៖ មុនក្បាលស, មុនក្បាលខ្មៅ, មុន និងអាចម៌រុយ។ បញ្ហាប្រហោងមុខងាយនឹងចាប់យកធាតុកខ្វក់ និងចេញជាតិខ្លាញ់។ ធាតុកខ្វក់ដែលជាប់នៅក្នុងរន្ធញើស អាចបណ្តាលឲ្យឆ្លងមេរោគស្បែកផ្សេងៗ។ កត្តាទាំងអស់នេះធ្វើឲ្យស្បែកស្រអាប់ ហើយគ្មានសុខភាពល្អ។

អត្ថប្រយោជន៏នៃវីតាមីន B12 ចំពោះស្បែក និងសក់
កម្ចាត់កោសិកាស្បែកងាប់ និងលាងជម្រះស្បែកឲ្យបានទៀងទាត់ជារឿងមួយសំខាន់ ដើម្បីកម្ចាត់ជាតិប្រេង និងធាតុកខ្វក់ចេញពីលើស្បែក។ បច្ចុប្បន្ននេះមានប្រភេទម៉ាស់បិតមុខជាច្រើនដែលអាចជួយបំបាត់បញ្ហាប្រហោងមុខ។ តែទោះបីជាយ៉ាងណា ម៉ាស់បិតមុខទាំងអស់នេះធ្វើឲ្យស្បែកស្រអាប់កាន់តែខ្លាំងឡើង ដោយសារវាមានផ្ទុកសារធាតុគីមី។ ដូច្នេះ យល់ល្អគួរប្រើវិធីសាស្ត្រព្យាបាលដោយខ្លួនឯងជំនួសវិញ ដើម្បីកម្ចាត់បញ្ហាប្រហោងមុខ។

អត្ថបទខាងក្រោមនេះនឹងបង្ហាញពីប្រភេទឱសថល្អៗមួយចំនួនដែលអ្នកអាចប្រើដើម្បីកម្ចាត់បញ្ហាប្រហោង៖

ត្រសក់
ត្រសក់ជាឱសថដ៏សក្តិសិទ្ធិបំផុតជួយបំបាត់បញ្ហាប្រហោងមុខ។ ជាតិត្រជាក់របស់ត្រសក់អាចជួយបង្រួមប្រហោងមុខយ៉ាងមានប្រសិទ្ធិភាព។ ចិតត្រសក់ជាបន្ទះស្តើងៗ រួចបន្ថែមទឹកកុលាបចូល ២-៣ ដំណក់។ ហើយបិតវាលើស្បែករបស់អ្នក និងរង់ចាំរយៈពេល ១៥នាទីទើបលាងសម្អាតចេញ។

ស៊ុតស
ស៊ុតសក៏ជាម៉ាស់បិតមុខមួយប្រភេទទៀតជួយផ្ចិតរន្ធញើសដែលប្រហោងធំ។ គ្រាន់តែលាបស៊ុតសលើប្រហោងមុខ។ ទុកវាឲ្យស្ងួតរយៈពេល ២-៣នាទី។ រួចលាងសម្អាតផ្ទៃមុខនឹងទឹក។ អនុវត្តវិធីនេះឲ្យបានម្តងក្នុងមួយសប្តាហ៏។

ល្ហុង
ល្ហុងមិនត្រឹមតែជួយឲ្យស្បែកទន់ប៉ុណ្ណោះទេ ប៉ុន្តែក៏ជួយឲ្យស្បែកម៉ដ្ឋរលោង, ជួយកម្ចាត់បញ្ហាប្រហោងមុខ។ លាបល្ហុងទុំម៉ដ្ឋលើស្បែករបស់អ្នក។ លាងសម្អាតវាចេញក្រោយរយៈពេល ២០នាទី។

ប៉េងប៉ោះ
សារធាតុរឹតបន្តឹងដែលមានក្នុងផ្លែប៉េងប៉ោះអាចជួយផ្ចិតរន្ធញើស។ វាជួយកម្ចាត់កោសិកាងាប់ៗនៅលើស្បែក និងជួយឲ្យស្បែកទន់ផងដែរ។ លាបសាច់ប៉េងប៉ោះលើស្បែក រួច ម៉ាស្សាជាចលនារង្វង់ រួចលាងសម្អាតចេញក្រោយរយៈពេលមួយសន្ទុះធំ។

ម្សៅក្រាម
ម្សៅក្រាមលាយជាមួយក្រូចឆ្មាជាភ្នាក់ងារកម្ចាត់បញ្ហាស្បែករឹង។ បន្ថែមទឹកក្រូចឆ្មា ២-៣ដំណក់ចូលទៅក្នុងម្សៅក្រាម។ លាបលើស្បែករបស់អ្នក និងលាងសម្អាតចេញក្រោយរយៈពេលមួយសន្ទុះធំ។ អនុវត្តវិធីនេះឲ្យបានជារៀងរាល់ថ្ងៃ ដើម្បីជួយផ្ចិតប្រហោងមុខ និងជួយពង្រឹងសាច់មុខឲ្យបានស្អាតផងដែរ។

ម្សៅអាល់ម៉ុង
ដោយសារផ្លែអាល់ម៉ុងសម្បូរទៅដោយវីតាមីន E វាធ្វើឲ្យស្បែកទន់។ វាបានផ្តល់សារធាតុចិញ្ចឹមទៅឲ្យស្បែក និងកាត់បន្ថយបញ្ហាប្រហោងមុខ ប្រសិនបើប្រើប្រាស់វាបានទៀងទាត់។ ដាក់ផ្លែអាល់ម៉ុងត្រាំជាមួយទឹកដោះគោទុករយៈពេលពេញមួយយប់។ ព្រឹកឡើងកិនវាឲ្យម៉ត់ រួចលាបលើស្បែករបស់អ្នក។ ហើយលាងសម្អាតផ្ទៃមុខរបស់អ្នកចេញនៅពេលវាស្ងួត។

ទឹកឃ្មុំ និងស្ករស
ទឹកឃ្មុំ និងស្ករសជាឱសថដ៏ពេញនិយមមួយផ្សេងទៀតដែលអាចប្រើដើម្បីផ្ចិតប្រហោងមុខ។ ទឹកឃ្មុំមានតួនាទីជួយបន្ទន់ស្បែក និងរឹតបន្តឹងប្រហោងមុខ។ ប្រើទឹកឃ្មុំលាយស្ករសលាបលើផ្ទៃមុខ ក្នុងចលនាជារង្វង់។ វិធីនេះជួយឲ្យស្បែកម៉ដ្ឋរលោង និងផ្ចិតប្រហោងមុខ៕

ដឹងទេ! គេងក្បែរមនុស្សជាទីស្រឡាញ់រាល់យប់មានអ្វីកើតឡើង

Health Love

តាមការស្ទាបស្ទង់កាលពីថ្មីៗនេះបានបង្ហាញថា គូស្វាមីភរិយាដែលគេងជាមួយគ្នាជារៀងរាល់យប់អាចរស់នៅបានអាយុវែង និងមានសុខភាពល្អ។ រឿងនេះត្រូវបានគេជឿថា នៅពេលអ្នកបានគេងក្បែរអ្នកណាម្នាក់ជារៀងរាល់យប់ សរសៃប្រសាទនៅក្នុងរាងកាយនឹងចាប់ផ្តើមសម្រាក, សម្ពាធឈាមត្រូវបានគ្រប់គ្រងយ៉ាងល្អ និងចិត្តក៏បានស្ងប់។ ចំពោះគូស្វាមីភរិយាជាច្រើន ការគេងជាមួយគ្នាអាចទទួលបានអត្ថប្រយោជន៏ជាច្រើនផ្សេងទៀតដូចជា បង្កើនភាពស្និតស្នាល, ជួយឲ្យជីវិតផ្លូវភេទមានសមតុល្យ និងមានសុខុមាលភាព។

កត្តានេះហើយដែលអាចជួយឲ្យអ្នកមានសុខភាពល្អ ព្រោះភាពស្និតស្នាលនឹងជួយរក្សាប្រព័ន្ធភាពស៊ាំ ហើយចង្វាក់បេះដូងរបស់អ្នកលោតជាធម្មតា សរុបមកសេចក្តីមកវាជួយបង្កើនអាយុ។ ម្យ៉ាងវិញទៀត គូស្វាមីភរិយាចូលចិត្តគេងជាមួយគ្នា ព្រោះវាបានផ្តល់សុវត្ថិភាព និងភាពកក់ក្តៅ។

អ្នកជំនាញបាននិយាយថា ការគេងក្បែរអ្នកណាម្នាក់ផ្សេងមិនមែនជាដៃគូរបស់អ្នកក៏អាចធ្វើឲ្យមានសុខភាពល្អដែរ។ នេះដោយសារតែខ្លួនប្រាណរបស់អ្នកទាំងពីរស្និតស្នាលនឹងគ្នា, ខួរក្បាលបញ្ជូនសញ្ញាទៅឲ្យផ្នែកផ្សេងៗទៀតនៃរាងកាយ,ប្រាប់អ្នកឲ្យបានសម្រាក។ ដូច្នេះ ខាងក្រោមនេះជាអត្ថប្រយោជន៏មួយចំនួនដែលអ្នកទទួលបាន នៅពេលអ្នកថើប ឱបថ្នាក់ថ្នមមនុស្សពិសេសរបស់អ្នកពេលកំពុងគេងក្នុងពេលរាត្រី។ អ្នកនឹងរីករាយនៅពេលបានគេងជាមួយគ្នា៖

ជួយបំបាត់ភាពតានតឹង
នៅពេលអ្នកគេងជាមួយមនុស្សដែលអ្នកស្រឡាញ់ ខ្លួនប្រាណនឹងមានភាពស្និតស្នាលនឹងគ្នា។ ភាពស្និតស្នាលនឹងគ្នាខ្លាំងបែបនេះនឹងជួយឲ្យចិត្តបានស្ងប់ ហើយក៏ជួយកាត់បន្ថយភាពតានតឹងផងដែរ។ ការបង្កាត់ភ្លើងស្នេហ៏ និងការឱបថើបថ្នាក់ថ្នមជាវិធីធម្មជាតិ ដើម្បីព្យាបាលបញ្ហាតានតឹង។

ជួយឲ្យអ្នកគេងលក់បានស្រួល
ប្រសិនបើអ្នកជួបនឹងបញ្ហាគេងមិនលក់,គូស្នេហ៏របស់អ្នកអាចឱបអ្នក ដើម្បីធ្វើឲ្យអ្នកមានអារម្មណ៏ល្អ។ អ្នកវិទ្យាសាស្ត្របានបង្ហាញថា ការបានគេងជាមួយនឹងអ្នកណាម្នាក់ អាចជួយកម្ចាត់បញ្ហាគេងមិនលក់បាន។

ផ្តល់ភាពកក់ក្តៅ
នៅពេលអ្នកបានគេងជាមួយនឹងអ្នកណាម្នាក់ ខ្លួនប្រាណនឹងបានប៉ះពាល់គ្នា។ ភាពប៉ះពាល់នេះបានបង្កើតភាពកក់ក្តៅ ដូច្នេះធ្វើឲ្យចរាចរណ៏ឈាមដើរបានស្រួល។ ភាពកក់ក្តៅពីខ្លួនប្រាណរបស់អ្នកដទៃក៏បានជួយការពារស្បែក និងធ្វើឲ្យស្បែករបស់អ្នកម៉ត់រលោងតាមបែបធម្មជាតិ។

អរម៉ូននៃក្តីស្រឡាញ់
តើអ្នកបានគិតថា ការរួមភេទតែម្យ៉ាងអាចបញ្ចេញអរម៉ូនអុកស៊ីតូស៊ីន ដើម្បីជួយឲ្យអ្នកមានក្តីសុខតើមែនទេ?ការបានត្រដុសស្បែកអាក្រាតរបស់អ្នកប៉ះនឹងស្បែកគូស្នេហ៏របស់អ្នក អាចជួយឲ្យអ្នកមានក្តីសុខ ព្រោះកម្រិតអុកស៊ីតូស៊ីនរបស់អ្នកឡើងខ្ពស់។ ដូច្នេះ នេះជាអត្ថប្រយោជន៏ដ៏ធំនៃការគេងក្បែរមនុស្សដែលអ្នកស្រឡាញ់។

វាល្អសម្រាប់សុខភាពបេះដូង
ការគេងក្បែរមនុស្សម្នាក់ដែលអ្នកស្រឡាញ់ក៏ល្អចំពោះសុខភាពបេះដូងរបស់អ្នកផងដែរ។ ទំនុកចិត្ត និងភាពកក់ក្តៅបានធ្វើឲ្យចង្វាក់បេះដូងលោតធម្មតា ដូច្នេះបណ្តាលឲ្យបេះដូងគ្មានសម្ពាធ។

ក្រោកពីគេងដោយមានថាមពល
ព្រឹកស្អែកនៅពេលអ្នកក្រោកពីគេងក្បែរមនុស្សដែលអ្នកស្រឡាញ់ ក្តីសុខធ្វើឲ្យអ្នកមានអារម្មណ៏ល្អ និងថាមពល។ នេះដោយសារតែអ្នកគេងបានស្រួលពេញមួយយប់។

បង្កើនអាយុជីវិត
ការគេងក្បែរមនុស្សម្នាក់ក៏អាចជួយបង្កើនអាយុរបស់អ្នកផងដែរ។ អ្នកវិទ្យាសាស្ត្របានបង្ហាញថា ការសម្រាកក្បែរមនុស្សម្នាក់អាចធ្វើឲ្យខួរក្បាល, បេះដូង និងសរីរាង្គផ្សេងៗទៀតនៃរាងកាយបានសម្រាក។ ការសម្រាកនេះជួយបង្កើនអាយុជីវិតរបស់អ្នក និងជាឱសថដ៏សក្តិសិទ្ធិបំផុត៕

ផលអវិជ្ជមាននៃការពាក់ស្បែកជើងកែងចោតដែលមិត្តនារីមិនធ្លាប់បានដឹង

Health

ថ្វីបើស្បែកជើងកែងចោទធ្វើឲ្យមិត្តនារីៗមានភាពសិចស៊ី និងលេចធ្លោបានមួយកម្រិតមែន ប៉ុន្តែសម្ពាធដែលទទួលរងពីការពាក់ស្បែកជើងកែងចោតអាចធ្វើឲ្យអ្នកមានបញ្ហាជាច្រើនកើតឡើងចំពោះសុខភាព។

ប្រវត្តិនៃការពាក់ស្បែកជើងកែងចោត
ហេតុអ្វីបានជាស្បែកជើងកែងចោតបានក្លាយជារបស់មួយពេញនិយម ហើយតើអ្នកណាខ្លះធ្លាប់គិតដល់បញ្ហា ដោយសារតែចង់បានសម្រស់ស្រស់ស្អាត? ស្បែកជើងកែងចោតត្រូវបានគេប្រទះឃើញតាំងតែពីឆ្នាំ ១៤០០ នៅពេលដែលនារីលក់ខ្លួនពាក់ ដើម្បីឲ្យកម្ពស់ខ្ពស់ជាងភ្ញៀវ និងបង្កើនភាពទាក់ទាញ។

ក្រោយមកស្បែកជើងកែងចោតបានក្លាយជាសម្ភារៈពេញនិយម។ បច្ចុប្បន្ននេះ ស្បែកជើងកែងចោតត្រូវបានមនុស្សស្រីពាក់គ្រប់ការងារ, គ្រប់ឋានៈក្នុងសង្គមទាំងអស់។

តើការពាក់ស្បែកជើងកែងចោតបានប៉ះពាល់អ្វីខ្លះដល់ជើងរបស់អ្នក
បើទោះបីជាស្បែកជើងកែងចោតបានធ្វើឲ្យជើងរបស់អ្នកស្រស់ស្អាតក៏ពិតមែន តែអ្នកអាចប្រឈមមុខនឹងបញ្ហាសុខភាព។ គ្រាន់តែគិតថា តើជើងរបស់អ្នកនឹងទៅជាយ៉ាងណា បន្ទាប់ពីពាក់ស្បែកជើងកែងចោតអស់រយៈពេល ៨ម៉ោង។

ខាងក្រោមនេះជាផលប៉ះពាល់អវិជ្ជមានមួយចំនួនដែលអ្នកនឹងជួបប្រទះ នៅពេលអ្នកពាក់ស្បែកជើងកែងចោត៖

ឈឺសាច់ដុំរ៉ាំរ៉ៃ
ស្បែកជើងកែងចោតទ្រទម្ងន់របស់អ្នក ហើយបានផ្លាស់ប្តូរតាមវិធីធម្មជាតិដែលអ្នកទ្រទ្រង់រាងកាយរបស់ខ្លួនឯង។ រាងកាយរបស់អ្នកព្យាយាមផ្លាស់ប្តូរ បណ្តាលឲ្យសាច់ដុំអ្នកក៏ផ្លាស់ប្តូរក្នុងរយៈពេលយូរដែរ។ នេះអាចធ្វើឲ្យឈឺចាប់សាច់ដុំរ៉ាំរ៉ៃដោយសារតែការពាក់ស្បែកជើងកែងចោត។

កាត់បន្ថយសរសៃពួរសាច់ដុំ
សាច់ដុំ និងសរសៃពួរធ្វើការរួមគ្នា ដើម្បីបង្កើនការដើរឲ្យបានត្រឹមត្រូវ និងចៀសវាងការដាក់សម្ពាធតែទៅលើសរសៃពួរសាច់ដុំណាមួយ។ តែទោះបីជាយ៉ាងណា ស្បែកជើងកែងចោតបានបំផ្លាញ និងដាក់សម្ពាធខ្លាំងលើសរសៃពួរ។ នេះអាចបំផ្លាញសរសៃពួររបស់អ្នកទាំងនៅក្មេង។

សរសៃវ៉ែន
ការពាក់ស្បែកជើងកែងចោតអស់រយៈពេលជាច្រើនម៉ោង ជារៀងរាល់ថ្ងៃបានប៉ះពាល់ដល់លំហូរឈាម។ វាក៏បានដាក់សម្ពាធបន្ថែមទៅលើសាច់ដុំកំភួនជើងផងដែរ។ ទាំងអស់នេះ ជាកត្តាអាចធ្វើឲ្យផ្ទុះសរសៃឈាមឆ្មា បានបំផ្លាញសរសៃវ៉ែនដែលយើងទាំងអស់គ្នាចង់បាន។

មិននឹងនរ
នៅពេលអ្នកដើរ អ្នកគួរតែអាចទ្រទម្ងន់របស់អ្នកចាប់ពីជើងក្រោយដល់ជើងមុខ។ ភាពមិននឹងនរមិនមែនជាធម្មជាតិឡើយ ហើយវាអាចបណ្តាលឲ្យរមូរ.កជើង ឬបែកឆ្អឹង។

បែកចែកទម្ងន់មិនស្មើគ្នា
ការពាក់ស្បែកជើងកែងចោតមិនត្រឹមតែធ្វើឲ្យទម្ងន់របស់អ្នកបែងចែកទៅឲ្យជើងមិនស្មើគ្នាប៉ុណ្ណោះទេ តែវាទាមទារឲ្យអ្នកធ្វើសមតុល្យម្រាមជើងរបស់អ្នកឲ្យបានច្រើន។ យូរៗទៅ បញ្ហានេះអាចបណ្តាលឲ្យឈឺខ្នងរ៉ាំរ៉ៃ។ អ្នកមិនគួរពាក់ស្បែកជើងកែងចោត ដើម្បីឲ្យមានរាងស្អាត និងខ្ពស់ឡើយ។ គួរពាក់ស្បែកជើងដែលសុខស្រួល និងជួយដល់សមត្ថភាពការដើររបស់អ្នក៕

វិធីព្យាបាលជំងឺសន្លាក់ឆ្អឹងឲ្យជាសះស្បើយឆាប់រហ័យបំផុត

Health

អានអត្ថបទមួយនេះបច់ អ្នកនឹងទទួលបានចំណេះដឹងបន្ថែមពីរបៀបផ្សំភេសជ្ជៈធម្មជាតិសម្រាប់ធ្វើការព្យាបាលជំងឺសន្លាក់យ៉ាងល្អប្រសើរ។ ចំពោះវិធីសាស្ត្រមិនពិបាកនោះទេ គ្រាន់តែអ្នកស្វែងរកដើមភ្លៅកង្កែប និងខ្ញី ផ្សំបញ្ចូលគ្នាវានឹងក្លាយទៅជាឱថសមួយមុខដែលអាចព្យាបាលជំងឺសន្លាក់នៅបាតជើង, កជើង និងការឈឺសន្លាក់ផ្សេងៗទៀតឲ្យឆាប់ជាសះស្បើយឆាប់រហ័សបំផុត។

គ្រឿងផ្សំដែលត្រូវការ៖

- ខ្ញីខ្ចី ១ មើមតូច

- បន្លែភ្លៅកង្កែក ២ ដើម

- ក្រូចឆ្មា ១ ផ្លែ ចិតជាបន្ទះស្ដើងៗ

- ត្រសក់ ១ ផ្លែ

ការណែនាំ៖

- រៀបចំគ្រឿងផ្សំទាំងអស់ដោយការលាងសម្អាតឲ្យបានស្អាតល្អ។

- ចិតត្រសក់ជាបំណែកតូចៗអាស្រ័យលើទៅលើសមត្ថភាពនៃប្រដាប់គៀបផ្លែឈើយកទឹករបស់អ្នក។

- រៀបចំបន្លែភ្លៅកង្កែប កាត់យកតែដើមរបស់វា និងពិនិត្យមើលហើយលាងជម្រះឲ្យបានស្អាតល្អ។

- ពុះក្រូចឆ្មាជាពីរផ្នែក ហើយប្រើវាតែមួយផ្នែកពាក់កណ្ដាលនៃក្រូចឆ្មាបានហើយ។

- ខ្ញីត្រូវចិតសំបកចេញឲ្យបានស្អាត។

- បន្ទាប់មក អ្នកត្រូវយកគ្រឿងផ្សំទាំងអស់នោះ ក្រឡុកដោយប្រើម៉ាស៊ីនក្រឡុកទឹកផ្លែឈើឲ្យក្លាយទៅជាល្បាយខាប់ៗ។

លោកអ្នកត្រូវទទួលល្បាយនេះ ឲ្យបានយ៉ាងហោចណាស់មួយដង ឬពីរដងក្នុងមួយថ្ងៃ រហូតអ្នកទទួលបានលទ្ធផលទៅតាមនូវអ្វីដែលអ្នកចង់បាន៕

៩ កន្លែងដែលប្រុសៗចង់ឲ្យមនុស្សស្រីលេង និងស្ទាបអង្អែលបំផុត

Health Love

មនុស្សគ្រប់រូបតែងតែជឿថា មានកន្លែងតែមួយគត់ដែលប្រុសៗចង់ឲ្យមនុស្សស្រីលេង និងស្ទាបអង្អែល ដើម្បីដុតរោលអារម្មណ៏ឲ្យពុះកញ្ជ្រោលឡើង ប៉ុន្តែវាមិនពិតឡើយ។ ខាងក្រោមនេះជាតំបន់ទាំង ៩កន្លែងដែលប្រុសៗពេញចិត្តឲ្យមនុស្សស្រីថើប និងស្ទាបអង្អែលបំផុត៖

១. លើផ្ទៃមុខរបស់គាត់

ព្យាយាមធ្វើឲ្យគូស្នេហ៏របស់អ្នកមានសម្រើបដោយការប្រើម្រាមដៃរបស់អ្នកស្ទាបអង្អែលថ្នមៗលើផ្ទៃមុខរបស់គាត់។ ចាប់ផ្តើមពីការស្ទាបខ្លួនប្រាណរបស់គាត់ថ្នមៗ ដើម្បីឲ្យអារម្មណ៏គាត់ពុះកញ្ជ្រោលឡើង បន្ទាប់មកឈានថ្នមៗទៅកាន់ថ្ពាល់ និងបបូរមាត់របស់គាត់។ អ្នកនឹងបានឃើញអារម្មណ៏ខុសប្លែករបស់គាត់ភ្លាមៗ។

២. ក

កជាតំបន់បន្ទាប់ដែលត្រូវប៉ះពាល់។ តំបន់កផ្ទុកក្រពេញទីរ៉ូអ៊ីតត្រូវបានគេជឿថា អាចជម្រុញសម្រើបឡើង និងបង្កើនថាមពលផ្លូវភេទដោយការថើប និងស្ទាបអង្អែលថ្នមៗ។ ចាប់ផ្តើមប្រើដៃរបស់អ្នកធ្វើចលនាជារង្វង់។ ក្រោយមួយសន្ទុះ ប្តូរទៅជាប្រើបបូរមាត់របស់អ្នកវិញម្តង។

៣. ត្រង់ត្រចៀក

ទងត្រចៀកជាតំបន់ដែលមានសរសៃប្រសាទចុងក្រោយ ដូច្នេះគ្រប់ពេលដែលអ្នកស្ទាបទងត្រចៀករបស់គាត់ គាត់នឹងមានសម្រើប។ ប្រើវិធីស្រមើលស្រមៃ ដើម្បីផ្តល់ក្តីសុខឲ្យគាត់ដោយការប្រើអណ្តាត, ធ្មេញ ឬលេងដោយប្រើម្រាមដៃរបស់អ្នក។

៤. ស្ទាបអង្អែលដៃរបស់គាត់

បើទោះបីជាបាតដៃរបស់គាត់អាចរឹងបន្តិចមែននៅពេលអ្នកស្ទាបថ្នមៗ តែវានៅតែជាវិធីដ៏មានប្រសិទ្ធិភាព ដើម្បីធ្វើឲ្យគាត់មានអារម្មណ៏។ ធ្វើសកម្មភាពម្រាមដៃរបស់អ្នកជារង្វង់ចាប់ផ្តើមពីគែមបាតដៃរបស់គាត់យឺត បន្តឆ្ពោះទៅកាន់កណ្តាលបាតដៃ។ ប្រើមេដៃ និងចង្អុលដៃរបស់អ្នកសង្កត់ស្បែកបាតដៃថ្នមៗ ដើម្បីបង្កើនចំណង់តណ្ហារបស់គាត់។

៥. ឆ្អឹងខ្នង

ក្រោមខ្នងរបស់គាត់អាចជួយឲ្យគាត់មានសម្រើប។ ប្រើម្រាមដៃរបស់អ្នកស្ទាបអង្អែលផ្នែកខាងលើនៃឆ្អឹងត្រគាករបស់គាត់។ វិធីនេះនឹងជួយបង្កើនអារម្មណ៏ក្តៅរោលរាល, ធ្វើឲ្យស្បែកគាត់ក្តៅ និងមានក្តីសុខ។ អ្នកក៏អាចជម្រុញអារម្មណ៏របស់គាត់ ដោយការត្រដុសសក់របស់អ្នកនឹងខ្លួនគាត់។

៦. ផ្នែកក្រោយជង្គង់របស់គាត់

តំបន់ក្រោយជង្គង់របស់គាត់មានសរសៃប្រសាទជាច្រើនអាចជួយជម្រុញអារម្មណ៏គាត់។ អង្អែលតំបន់ក្រោយជង្គង់របស់គាត់ថ្នមៗ ដើម្បីឲ្យមានអារម្មណ៏ពុះកញ្ជ្រោល។

៧. ផ្ចិត

ផ្ចិតរបស់គាត់ជាចំណុចធ្វើឲ្យគាត់មានចំណង់តណ្ហា។ ចាប់ផ្តើមធ្វើចលនាជារង្វង់ជុំវិញផ្ចិតរបស់គាត់ រួចឆ្ពោះទៅមកគែមផ្ចិត។ ប៉ុន្តែត្រូវចាំថា ការធ្វើបែបនេះអាចធ្វើឲ្យរសើប។ អ្នកអាចប្រើរោមសត្វ ឬដុំទឹកកក ដើម្បីបង្កើនក្តីសុខរបស់គាត់។

៨. បាតជើង

បាតជើងរបស់គាត់ក៏ជាតំបន់សាកល្បង និងធ្វើតេស្ត។ តែទោះបីជាយ៉ាងណា ត្រូវមានការប្រុងប្រយ័ត្ន ក្នុងពេលអង្អែលបាតជើងគាត់ ព្រោះវានឹងធ្វើឲ្យគាត់រសើប ធ្វើឲ្យគាត់លែងមានអារម្មណ៏។ ដូច្នេះ ធ្វើចលនាម្រាមដៃរបស់អ្នកថ្នមៗដូចជាចង្វាក់ភ្លេង។

៩. សក់ក្បាល

សក់របស់គាត់ជាផ្នែកមួយនៃរាងកាយដែលសំខាន់។ ប្រើម្រាមដៃរបស់អ្នកលេងអង្អែលសក់របស់គាត់ថ្នមៗ។ រំកិលម្រាមដៃរបស់អ្នកឡើងចុះលើ កនិងត្រចៀក។ វិធីនេះនឹងជួយប្រាប់គាត់ឲ្យបានដឹងអ្វីគ្រប់យ៉ាងនៅក្នុងចិត្តរបស់អ្នក៕

អាថ៌កំបាំងផ្លូវភេទដែលបុរសៗតែងតែលាក់បាំង

Health

បុរសៗមិនត្រឹមតែមានក្តីសុខនៅពេលបានឱបគូស្នេហ៏ញឹកញាប់ប៉ុណ្ណោះទេ តែក៏មានក្តីសុខនឹងការរួមភេទ ហើយបាននៅក្បែរនឹងគូស្នេហ៏របស់ពួកគេ។

១. បុរសៗគិតដល់ការរួមភេទតាំងតែពីអាយុ ១៧ឆ្នាំ

យោងតាមការសិក្សាស្រាវជ្រាវបានឲ្យដឹងថា រៀងរាល់ ២-៣ម៉ោង ក្មេងប្រុសអាយុ ១៧ឆ្នាំ ៨០% គិតដល់ការរួមភេទ។ ក្មេងក្នុងវ័យនេះចូលចិត្តមើលភាពយន្តសម្រាប់មនុស្សពេញវ័យច្រើន។

២. ការបង្កាត់ភ្លើងស្នេហ៏ធ្វើឲ្យបុរសកាន់តែមានក្តីសុខ

តាមលទ្ធផលសិក្សាវិភាគលើគម្រោងស្រាវជ្រាវទាំង ១៩៧ របស់អង់គ្លេសបានឲ្យដឹងថា បុរសៗភាគច្រើនមានក្តីសុខនៅពេលបានបង្កាត់ភ្លើងស្នេហ៏ជាមួយនឹងភរិយាខ្លួន។

៣. ធ្វើពុតជាឡើងដល់ចំណុចកំពូល

តាមការស្រាវជ្រាវពីវេបសាយ AskMen.com បានបង្ហាញឲ្យឃើញថា បុរស ១៤% ធ្វើពុតជាឡើងដល់ចំណុចកំពូល ហើយ ២០% ឧស្សាហ៏ធ្វើបែបនេះចំពោះស្វាមី ឬភរិយា។

ហេតុផលដែលធ្វើឲ្យបុរសធ្វើពុតជាសម្រេចទឹកកាមព្រោះគាត់មិនអាចគ្រប់គ្រងអាអូនតូចរបស់គាត់បាន។

បុរសៗមិនអាចសម្រេចទឹកកាមបានមិនត្រឹមតែកើតឡើងចំពោះបុរសៗដែលមានអាយុលើ ៤០ឆ្នាំប៉ុណ្ណោះទេ តែក៏អាចកើតឡើងចំពោះបុរសក្មេងៗផងដែរ។ មូលហេតុបណ្តាលមកពីបញ្ហាសុខភាព, បញ្ហាការរស់នៅ, ភាពធុញថប់ខ្លាំង ឬការសម្រេចទឹកកាមដោយខ្លួនឯង។

៤. ត្រូវការពេលវេលារួមភេទឲ្យបានយូរ

អ្នកតែងតែគិតថា មនុស្សស្រីត្រូវការពេលវេលាច្រើនដើម្បីសម្រេចដល់ការបង្កាត់ភ្លើងស្នេហ៏។ ប៉ុន្តែជាការពិតណាស់ បុរសៗជាច្រើនចង់បានការលេង និងស្ទាបអង្អែលយឺតៗ។

តាមការសិក្សាស្រាវជ្រាវពីសកលវិទ្យាល័យ New Brunswick បានលាតត្រដាងថា បុរស និងស្ត្រីភាគច្រើនចង់បានការលេង និងស្ទាបអង្អែលរយៈពេល ១៨-១៩នាទី។ ស្របពេលដែលជាមធ្យមបុរសៗចង់បានរួមភេទរយៈពេល ១៨នាទី ស្ត្រីត្រឹមតែ ១៤នាទី។

៥. ចាប់អារម្មណ៏លើគូស្នេហ៏ជាងភរិយារបស់ខ្លួន

បុរសៗចាប់អារម្មណ៏ច្រើនលើការផ្តល់ក្តីសុខដល់គូស្នេហ៏ជាងភរិយារបស់ខ្លួនឯង។ បុរសមិនចង់ឲ្យស្រីស្នេហ៏ខកចិត្តដោយសារតែខ្លួនគាត់ ដូច្នេះ គាត់នឹងធ្វើអ្វីៗគ្រប់យ៉ាងដើម្បីសម្រេចទឹកកាម, បុរសៗតែងតែយកចិត្តទុកដាក់លើការព្យាយាមធ្វើឲ្យស្រីស្នេហ៏កាន់តែមានក្តីសុខតាមដែលអាចធ្វើទៅរួច។

៦. ចាប់អារម្មណ៏នឹងក្បាច់ពិសេសៗជាច្រើន

បុរសៗមិនត្រូវការរួមភេទនៅកន្លែងល្អឥតខ្ចោះអ្វីឡើយ។

ជាពិសេសបុរសក្មេងៗ ភាគច្រើនចូលចិត្តទីកន្លែងថ្មីៗដូចជានៅកៅអីឡានខាងក្រោយ, រាត្រីនៅលើឆ្នេរខ្សាច់, បន្ទប់ទទួលភ្ញៀវ ឬនៅក្នុងការិយាល័យ។

៧. បញ្ហាការសម្រេចទឹកកាមបានច្រើនដង

ពាក្យចរាមអារាមជាច្រើនបាននិយាយថា បុរសៗអាចសម្រេចទឹកកាមបានច្រើនដង។ តែទោះជាយ៉ាងណា តាមពិតបុរសៗភាគច្រើនអាច និងចង់បានការឡើងដល់ចំណុចកំពូលក្នុងរាត្រីតែមួយ។

ក្នុងករណីខ្លះ បុរសៗអាចសម្រេចទឹកកាមបានដោយមិនចាំបាច់បង្កាត់ភ្លើងស្នេហ៏ ព្រោះពួកគេជាមនុស្សចាស់ ឬមានជំងឺទឹកនោមផ្អែ៕

ពេលណាទើបស្ត្រីអាចរួមភេទម្តងទៀត ក្រោយពេលឆ្លងទន្លេ?

Health

ការមានកូនមិនមែនមានន័យថា ជីវិតផ្លូវភេទរបស់អ្នកត្រូវបានបញ្ចប់នោះទេ។ បើទោះបីជាយ៉ាងណា វេជ្ជបណ្ឌិតជាច្រើនបានផ្តល់អនុសាសន៍ឲ្យស្ត្រីរង់ចាំយ៉ាងហោចណាស់ ៦សប្តាហ៍ មុនពេលចាប់ផ្តើមរួមភេទសាជាថ្មី។ ដោយសារតែទ្វារមាសត្រូវរង់នូវការប៉ះពាល់ខ្លាំងនៅពេលសម្រាលកូន ហើយត្រូវការពេលវេលាច្រើនដើម្បីផ្សះរបួសឲ្យជាសះស្បើយដូចដើមវិញ។

ជាមួយគ្នានេះផងដែរ ដោយសារតែអ័រម៉ូន estrogen មានកម្រិតទាប ចំណង់ផ្លូវភេទរបស់ស្ត្រីមានការថយចុះ ហើយមានលក្ខណៈស្ងួតជាងពេលធម្មតាធ្វើឲ្យពិបាករួមភេទ។ អ្នកជំនាញភាគច្រើនបានផ្តល់អនុសាសន៍ថា ប្រសិនបើចង់រួមភេទគួរតែប្រើប្រាស់ទឹករំអិលសម្រាប់ជំនួយ ដើម្បីការពារកុំឲ្យមានបញ្ហាកកិតទ្វារមាស។

បញ្ហាមួយទៀតដែលត្រូវចង់ចាំទុកក្នុងចិត្ត គឺការរួមភេទក្រោយពេលឆ្លងទន្លេរួចអ្នកអាចនឹងមិនមានការមករដូវ ព្រោះអូវ៉ុលកំពុងតែបញ្ចេញ ហើយករណីមានមានកូនអាចកើតឡើងទៀត។ ដូច្នេះដើម្បីឲ្យមានសុវត្ថិភាព អ្នកត្រូវតែធ្វើការពន្យាកំណើត (នេះបើតាមការផ្តល់អនុសាសន៍របស់អ្នកជំនាញ)។

លោកវេជ្ជបណ្ឌិត Adam J បានពន្យល់បន្ថែមថា ជម្រើសក្នុងការព្យាលកំណើតមួយចំនួនពិតជាមិនល្អសម្រាប់អ្នកម្តាយនោះទេ។ ដូចជាថ្នាំគ្រាប់ព្យាលកំណើតអាចប្រឈមនឹងគ្រោះថ្នាក់ ដោយសារតែវាអាចបង្អាក់កម្រិតអរម៉ូនរបស់រាងកាយ ហើយប៉ះពាល់ដល់ទឹកដោះដែលត្រូវបំបៅកូនថែមទៀត។ ដូច្នេះមានតែ ស្រោមអនាម័យទេដែលជាជម្រើសដ៏ល្អបំផុតសម្រាប់គូស្នេហ៍ដែលចង់ពន្យាកំណើត៕

មនុស្ស ៦ប្រភេទដែលមិនគួរកោសខ្យល់

Health

កោសខ្យល់! ស្ដាប់មើលទៅហាក់ដូចជាធម្មតា ព្រោះវាក៏ជាទម្លាប់មួយរបស់ប្រជាជនខ្មែរយើងដែលតែងតែអនុវត្តនៅពេលមានអារម្មណ៍ថា មិនសូវស្រួលខ្លួន (អារម្មណ៍ចង់ឈឺ) ឬនៅពេលកើតជំងឺផ្ដាសាយនានា។

តើអ្នកធ្លាប់គិតថា «កោសខ្យល់» នេះមានដើមកំណើតពីណាមកទេ?

កោសខ្យល់នេះមានដើមកំណើតពីប្រទេសចិនមក ដែលមានពាក្យថា «刮痧 (Gua Sha) » ។ ដូចគ្នាទៅពាក្យជាច្រើននៅក្នុងភាសាចិន គឺបានមកពីការផ្គុំនូវពាក្យ ឬអក្សរចូលគ្នា បង្កើតបានជាពាក្យថ្មីមួយ។ យ៉ាងណាមិញពាក្យ «刮痧» ផ្សំឡើងពីអក្សរ «刮» និង «痧» ដែលពាក្យ «刮 (Gua)» ប្រែបានថា «កោស» និង «痧 (Sha)» ប្រែបានថា «ខ្សាច់»។ ជាការពិត 痧 ត្រូវសរសេរថា 沙 ដែលមានន័យថាខ្សាច់ដែលយើងមើលឃើញនៅមាត់សមុទ្រនោះឯង ប៉ុន្តែត្រូវភាសាចិនអភិវឌ្ឍមកជា 痧 សម្រាប់ប្រើនៅក្នុងភាសាពេទ្យវិញ។ Sha (痧) គឺជាគ្រាប់តូចៗពណ៌ក្រហមនៅលើស្បែកបន្ទាប់ពីយើងធ្វើការកោសនៅលើស្បែក។

ការកោសខ្យល់នេះត្រូវបានប្រើប្រាស់ជាថ្នាំសម្រាប់ព្យាបាលនូវប្រភេទជំងឺមួយចំនួននៅតំបន់អាស៊ីយើងនេះឯង ដោយបានចែករំលែកពីប្រទេសចិន។ តែអ្វីដែលសំខាន់នោះថាតើមនុស្សប្រភេទណាមិនគួរនឹងកោសខ្យល់នេះ?

១. កុមារ

បញ្ហានេះភាគច្រើនកើតឡើងចំពោះម្ដាយវ័យក្មេងដែលនៅឆ្ងាយពីពេទ្យ ឬនៅតាមទីជនបទ ពួកគាត់មានគំនិតបែបបុរាណ ដោយយល់ថាការកោសខ្យល់ឲ្យកុមារ គឺដូចនឹងមនុស្សធំដែរ មិនប៉ះពាល់អីទេ។ ប៉ុន្តែផ្ទុយទៅវិញការកោសខ្យល់ទៅលើរាង្គកាយរបស់កុមារមានផលអវិជ្ជមានជាច្រើនវិញទេ។

អ្នកដឹងហើយថាកូនក្មេង គឺមានស្បែកទន់ខ្សោយណាស់ ប៉ះមេរោគបន្តិចមិនបានផង ឆាប់កន្ទួលរមាស់ ឆាប់ឆ្លងនូវបាក់តេរីផ្សេងៗយ៉ាងងាយ។ ម្យ៉ាងទៀតចលនាឈាមរបស់កុមារងាយរងនូវសម្ពាធយ៉ាងខ្លាំងនៅពេលកុមារទទួលរងនូវការកោសខ្យល់។

២. ស្ត្រីមានផ្ទៃពោះ

អ្នកត្រូវចាំថា ក្នុងកាលៈទេសៈណាក៏មិនត្រូវកោសខ្យល់ដែល ប្រសិនបើអ្នកមានផ្ទៃពោះ។

៣. មនុស្សដែលមានជំងឺបេះដូង

អ្នកដែលមានជំងឺបេះដូង គឺត្រូវហាមជាដាច់ខាតក្នុងការកោសខ្យល់នេះ។ បើយោងតាមក្រុមគ្រូពេទ្យពេទ្យបុរាណថា ចលនា និងចង្វាក់បេះដូងនឹងធ្វើបង្ករឲ្យមានការរលាក។ ការកោសខ្យល់នឹងធ្វើឲ្យមានការវាយប្រហារដល់បេះដូងជាថ្មីម្ដងទៀត នោះគឺជារឿងដែលគ្រោះថ្នាក់បំផុត អាចដល់ការពិការ ឬបាត់បង់ជីវិត។

៤. មនុស្សដែលមានសម្ពាធឈាមខ្ពស់

ពេលសម្ពាធឈាមឡើងខ្ពស់ គឺមានន័យថាសរសៃឈាមរីកធំដែរនៅពេលធ្វើការកោសខ្យល់នោះ។ ហើយការកោសនេះអាចធ្វើអ្នកជំងឺវៀចមុខវៀចមាត់ និងងងឹតភ្នែក។

នៅពេលមានសម្ពាធឈាមឡើងខ្ពស់ អ្នកជំងឺគួរតែគេងចុះឲ្យត្រង់ដើម្បីសម្រាក និងញ៉ាំនូវថ្នាំបន្ថយសម្ពាធឈាមជាបន្ទាន់។ កុំចាប់សរសៃ ឬកោសខ្យល់ឲ្យសោះ។

៥. អ្នកដែលមានជំងឺស្បែក ឬរបួសរោគសើស្បែក

នេះក៏ជាបញ្ហាធំផងដែរ ព្រោះពេលអ្នកមានបញ្ហានៅលើស្បែក ហើយអ្នកនៅបង្ខំធ្វើការកោសខ្យល់ទៀតនោះ អ្នកនឹងប្រឈមមុខជាមួយនឹងបញ្ហា អាឡែរហ្ស៊ីស្បែក និងងាយឲ្យអ្នកឆ្លងមេរោគយ៉ាងលឿនបំផុត។

៦. អ្នកដែលឈឺកញ្ចឹងក និងស្មា

ការឈឺកញ្ចឹងក និងស្មាអាចបង្ករឡើងដោយសារតែការគេងដោយប្រើខ្នើយកើយនឹងខ្ពស់ពេក ការគេងដែលមានឥរិយាបថមិនត្រឹមត្រូវ នោះធ្វើឲ្យសរសៃឈាមឡើងដុំ និងកកស្ទះ។ ដូចនេះការកោសខ្យល់អាចបង្ករឲ្យមានការហូរឈាមនៅក្រោមស្បែក។

គួរដឹង ៖ ច្រណែនច្រើនគួរប្រយ័ត្នជំងឺបេះដូង

Health Love

អ្នកជំនាញនៅសាកលវិទ្យាល័យឈីកាហ្គោ (University of Chicago) សហរដ្ឋអាមេរិកបានធ្វើការសិក្សាទៅលើបុរស-នារី ៣,០០០នាក់ ដោយកត់ត្រាជំងឺប្រចាំកាយ កម្រិតសុខភាព និងជីវភាព ប្រៀបធៀបជាមួយមនុស្សជុំវិញខ្លួន។

លទ្ធផលបានបង្ហាញថា អ្នកដែលមានប្រាក់ចំណូលទាបជាងមនុស្សជុំវិញខ្លួន មានបញ្ហាជំងឺបេះដូងដល់ទៅ ២២% ខណៈដែលអ្នកជីវភាពធូរធារ មានអត្រាប្រឈមខ្ពស់នឹងជំងឺទឹកនោមផ្អែម សម្ពាធឈាមខ្ពស់ និងដំបៅ។

អ្នកជំនាញបានសន្និដ្ឋានថា ការច្រណែនឈ្នានីស និងភាពតានតឹងដែលបណ្ដាលមកពីជីវភាពទាបជាងមនុស្សជុំវិញខ្លួន អាចអោយសុខភាពបេះដូង និងប្រព័ន្ធការពាររាងកាយចុះទន់ខ្សោយបណ្ដាលអោយកើតជាជំងឺផ្សេងៗបានយ៉ាងងាយ ពិសេសជំងឺបេះដូង៕

ចង់ឲ្យជីវិតអាពាហ៍ពិពាហ៍មានសុភមង្គលគួរតែផ្សំដំណេកមួយសប្តាហ៍ ១ដង

Health Love

មនុស្សជាច្រើនយល់ថា គូស្វាមីដែលរួមភេទបានច្រើនធ្វើឲ្យជីវិតកាន់តែមានក្តីសុខ។ តែទោះជាយ៉ាងណា ការសិក្សាថ្មីមួយបានបដិសេធ និងអះអាងថា អាពាហ៍ពិពាហ៍ដែលទទួលបានភាពជោគជ័យ និងមានសុភមង្គលបំផុត គឺគ្រាន់តែរួមភេទ ១ដង ក្នុងមួយសប្តាហ៍។

ដោយផ្អែកទៅលើការស្ទង់មតិមនុស្សប្រមាណជា ៣០.០០០ នាក់ដែលមានអាយុលើសពី ៤០ឆ្នាំ អ្នកស្រាវជ្រាវបានរកឃើញថា កម្រិតនៃសុភមង្គលរបស់គូស្នេហ៍អាស្រ័យទៅលើការរួមភេទ ១ដងក្នុងមួយសប្តាហ៍។ ការស្រាវជ្រាវបានបញ្ជាក់ថា នេះជារឿងសំខាន់ដែលអាចរក្សាទំនាក់ទំនងស្នេហាជាមួយនឹងដៃគូរបស់អ្នកឲ្យបានជិតស្និតបំផុត។

អ្នកជំនាញ Amy Muise ដែលជាអ្នកដឹកនាំការសិក្សានៃសាកលវិទ្យាល័យ Toronto-Mississauga ប្រទេសកាណាដា បានសង្កត់ធ្ងន់ថា ទោះបីជាយ៉ាងណា អ្នកមិនត្រូវរួមភេទជារៀងរាល់ថ្ងៃនោះទេ។

ក្នុងការស្ទង់មតិរបស់អ្នកស្រាវជ្រាវមកពីសាលកវិទ្យាល័យ ឈីកាហ្គោ (អាមេរិក) បានវិភាគលើប្រេកង់នៃឥរិយាបទផ្លូវភេទ និងសុខុមាលភាពទូទៅនៃជនជាតិអាមេរិកជាង ២៥.០០០ នាក់ ក្នុងនោះមានបុរស ១១.២៨៥ និងស្ត្រី ១៤.២២៥ នាក់ ក្នុងអំឡុងឆ្នាំ ១៩៨៩ ដល់ ២០១២។ លទ្ធផលបានបង្ហាញថា សម្រាប់ប្តីប្រពន្ធដែលរួមភេទញឹកញាប់មានសុភមង្គលកាន់តែខ្លាំង ប៉ុន្តែឥទ្ធិពលរបស់វាមិនស្មើនឹងគូស្នេហ៍ដែលរួមភេទ ១ដងក្នុងមួយសប្តាហ៍នោះទេ។

ដូចគ្នានេះផងដែរ អ្នកជំនាញបានសម្គាល់ឃើញថា មិនមែនមានន័យថាប្តីប្រពន្ធត្រូវរួមភេទមួយថ្ងៃ ១ដងនោះទេ ពួកគេអាចរួមភេទមួយសប្តាហ៍តិចមួយសប្តាហ៍ច្រើនក្នុងកម្រិតមធ្យម អាស្រ័យទៅលើការពិភាក្សារវាងគូស្វាមី៕

ការចម្លងវីរុស Chikungunya របស់សត្វមូសអាចឲ្យកើតជម្ងឺរលាកខួរក្បាល, ស្លាប់

Health

ការសិក្សាកន្លងមករកឃើញថាការចម្លងវីរុស Chikungunya របស់មូសនោះគឺបណ្ដាលឲ្យកើតជម្ងឺគ្រុនក្ដៅ និងការឈឺចុកចាប់ប៉ុណ្ណោះទេ ប៉ុន្តែការសិក្សាថ្មីវិញបានបង្ហាញថាវាអាចនាំឲ្យមានការរលាកនៅក្នុងខួរក្បាល និងអាចស្លាប់បាននៅលើមនុស្សមួយចំនួន។

នៅក្នុងការស្រាវជ្រាវ, អ្នកស្រាវជ្រាវបានមើលទៅលើការរីករាលដាលនៃមេរោគនៅលើប្រជុំកោះមួយក្នុងមហាសមុទ្រឥណ្ឌា ដែលនៅជិតម៉ាដាហ្គាស្ការ (Madagascar) ចាប់តាំងពីឆ្នាំ ២០០៥ ដល់ឆ្នាំ ២០០៦ និងបង្ករឱ្យមនុស្ស បីរយពាន់ (៣០០,០០០) នាក់ ធ្លាក់ខ្លួនឈឺ។ ជាលទ្ធផលនៃការឆ្លងមេរោគរបស់ពួកគេធ្វើឱ្យមនុស្ស ២៤នាក់អភិវឌ្ឍរោគរលាកខួរក្បាល ដែលជាការរលាកនៃខួរក្បាល, និង ៤នាក់ផ្សេងទៀតបានស្លាប់បាត់បង់ជីវិត។

រោគរលាកខួរក្បាលពីវីរុស Chikungunya នេះគឺទូទៅបំផុតក្នុងចំណោមទារកដែលមានអាយុតិចជាង ១ខួប និងមនុស្សមានអាយុ ៦៥ ឡើងទៅ។ នេះបើតាមការសិក្សាស្រាវជ្រាវ។

នៅក្នុងសេចក្ដីថ្លែងការណ៍មួយរបស់លោកវេជ្ជបណ្ឌិត Dr. Patrick Gérardin មកពីសាកលវិទ្យាល័យ Central University Hospital in Saint Pierre, Reunion Island បានបង្ហាញថា «អត្រានៃរោគរលាកខួរក្បាលមានអត្រាខ្ពស់ជាង អត្រារលាកខួរក្បាលនៅសហរដ្ឋអាមេរិក នៅចន្លោះអាយុប៉ុណ្ណឹង នៅពេលដែលយើងរាប់បញ្ចូលនូវមូលហេតុទាំងអស់នៃរោគរលាកខួរក្បាលនេះ»។

វីរុស Chikungunya នេះត្រូវបានចម្លងពីមនុស្សម្នាក់ទៅមនុស្សម្នាក់ទៀតតាមរយៈមូសនេះឯង។ ហើយរោគសញ្ញាដែលបញ្ជាក់ថាមនុស្សម្នាក់បានឆ្លងនូវមេរោគនេះនោះគឺមានអាការៈគ្រុនក្ដៅ និងឈឺសន្លាក់ព្រមជាមួយនឹងការឈឺសាច់ដុំ ហើមសន្លាក់ និងកន្ទួល នេះបើយោងតាមការបញ្ជាក់ពីមជ្ឈមណ្ឌលគ្រប់គ្រង និងបង្ការជម្ងឺ (Centers for Disease Control and Prevention) ហៅកាត់ថា «CDC» ។ មនុស្សភាគច្រើនអាចមានស្រួលខ្លួនឡើងវិញក្នុងរយៈពេល ១សប្ដាហ៍ ប៉ុន្តែមនុស្សមួយចំនួនទៀត អាចដល់ខែ ឬឆ្នាំផង។
នាពេលបច្ចុប្បន្ននេះនូវពុំទាន់មានថ្នាំវ៉ាក់សាំការពារនូវវីរុសប្រភេទនេះទេ ឬថ្នាំព្យាបាលការឆ្លងនៃវីរុសប្រភេទនេះដែរ នេះបើយោងតាម CDC បញ្ជាក់។ មនុស្សដែលផ្ទុកមេរោគនេះត្រូវបានប្រើប្រាស់ថ្នាំគ្រុនក្ដៅ និងថ្នាំបំបាត់ការឈឺចុកចាប់ប៉ុណ្ណ។ ហើយប្រសិនបើមនុស្សណាដែលអភិវឌ្ឍដល់ការរលាកខួរក្បាលនោះគេនឹងប្រើថ្នាំប្រឆាំងនឹងការរលាកខួរក្បាលតែម្ដង។

ក្រុមអ្នកស្រាវជ្រាវបានបន្តថា ការផ្ទុះនៃវីរុស Chikungunya បានកើតឡើងនៅក្នុងតំបន់ជាច្រើននៃពិភពលោករួមទាំងទ្វីបអាហ្វ្រិក អាស៊ី និងកោះ Caribbean។ ហើយនៅក្នុងប៉ុន្មានឆ្នាំចុងក្រោយនេះជំងឺនេះត្រូវបានរីករាលដាលទៅកាន់តំបន់ថ្មី។ កាលពីខែកញ្ញាឆ្នាំ ២០១៥ ជាង ៧ពាន់ ករណីត្រូវបានគេរាយការណ៍នៅក្នុងប្រទេសម៉ិកស៊ិកនេះបើយោងតាមCDC ។

បើយោងតាម CDC នៅក្នុងឆ្នាំ ២០១៥ នេះ មានការឆ្លងវីរុស Chikungunya រហូតដល់ ៥៧១ ករណីត្រូវបានរាយការណ៍ ដែលក្នុងនោះមាន ២៤ករណីនៅក្នុងសហរដ្ឋអាមេរិក រួមបញ្ចូលទាំងករណីនៅកន្លែងផ្សេងៗទៀត។ ហើយមាន ១៩៦ករណីទៀតស្ថិតនៅក្នុង Puerto Rico និងកោះ Virgin។

អ្នកស្រាវជ្រាវបាននិយាយថាក្នុងចំណោមកុមារដែលបានឆ្លងមេរោគនេះគឺអភិវឌ្ឍនទៅរកជម្ងឺរលាកខួរក្បាល និងអាចក្លាយជាពិការ ការផ្លាស់ប្ដូរអាកប្បកិរិយា និងបញ្ហាមួយចំនួនទៀតទាក់ទងនឹងការចងចាំ។

Gérardin បាននិយាយថា «ផលវិបាកនៃរោគរលាកខួរក្បាលនេះហាក់ដូចជាបង្កគ្រោះថ្នាក់ជាពិសេសនៅក្នុងទារកទើបនឹងកើត» ។

យោងតាមការស្រាវជ្រាវដែលត្រូវបានចេញផ្សាយនៅថ្ងៃនេះ (25 ខែវិច្ឆិកា) នៅក្នុងកាសែត Neurology បង្ហាញថា «ក្នុងចំណោមមនុស្សពេញវ័យដែលត្រូវបានឆ្លងមេរោគនេះ និងការអភិវឌ្ឍន៍រោគ រលាកខួរក្បាលដែលជាលទ្ធផលនៃការឆ្លងមេរោគនេះ, ពិការរួមបញ្ចូលទាំងជំងឺវង្វេង និងជំងឺឆ្កួតជ្រូក» ។