តើការស្រលាញ់មនុស្សម្នាក់ ទាល់តែហ៊ានលះបង់ទើបមានសុភមង្គលមែន ឬយ៉ាងណា?

តើអ្នកអោយអត្ដន័យនៃសុភមង្គលយ៉ាងដូចម្ដេចដែរ? តើសុភមង្គលកើតចេញមកអំពីអ្វី? ដើម្បីអោយជីវិតមានសុភមង្គលគឺមិនអាចខ្វះបានឡើយនូវការយល់ដឹង ជាពិសេសគឺការយល់អំពីជីវិត។ តើធ្វើយ៉ាងណាដើម្បីអោយកើតការយល់ដឹងអំពីជីវិត? មានវិធីសាស្រ្ដជាច្រើនដែលអ្នកត្រូវចាប់ផ្ដើមសិក្សាពីឥឡូវនេះ ហើយអ្នកត្រូវការពេលវេលាសមរម្យមួយ ដើម្បីអោយអ្នកអាចបណ្ដុះផ្នត់គំនិតមួយថ្មីទៅបាន។

នៅថ្ងៃនេះយើងខ្ញុំសូមលើកយកវិធីសាស្រ្ដមួយចំនួនមកធ្វើការបកស្រាយដូចតទៅ ផ្នែកមួយនៅក្នុងហេតុដទៃទៀតដែលនាំអោយកើតសុភមង្គល នោះគឺសេចក្ដីស្រលាញ់ ហើយមិនមែនជាសេចក្ដីស្រលាញ់ធម្មតានោះទេ គឺសេចក្ដីស្រលាញ់ដែលបរិសុទ្ធ។ តើអ្វីជាសេចក្ដីស្រលាញ់បរិសុទ្ធ សេចក្ដីស្រលាញ់ដែលបរិសុទ្ធ គឺជាសេចក្ដីស្រលាញ់ដែលអ្នកហ៊ានលះបង់នូវអ្វីដែលខ្លួនអ្នកមនជូនដល់មនុស្សដែលអ្នកស្រលាញ់ ឬមនុស្សដែលរស់នៅជុំវិញខ្លួនរបស់អ្នក។

ដូចជារឿងជាក់ស្ដែងមួយនៅក្នុងសង្គម មានពេលមួយមានបុរស និងនារីមួយគូបានស្រលាញ់គ្នា ហើយក៏សម្រចចិត្ដយកគ្នាជាប្ដីប្រពន្ធ នៅថ្ងៃមួយដោយសារតែប្ដីរវស់ប្រកបរបរការងារច្រើន គាត់អាចនឹងខ្មាសខ្លួនឯង ហើយមកសុំទោសប្រពន្ធគាត់ដោយមិនបាច់ពិបាកអោយប្រពន្ធនោះមកទាមទារនោះឡើយ សេចក្ដីស្រលាញ់ដ៏បរិសុទ្ធមិនទាមទារអ្វីមកវិញឡើយ គឺធ្វើអ្វីក៏ដោយគឺសុំអោយតែមនុស្សបានសេចក្ដីសុខ បើទោះជាមនុស្សដែលគាត់ស្រលាញ់មិនបាននៅជាមួយគាត់ ក៏គាត់មិនពិបាកចិត្ដដែរ គឺមានតែអរសប្បាយតែប៉ុណ្ណោះ។

រីឯសេចក្ដីស្រលាញ់ដែលមិនបរិសុទ្ធ គឺធ្វើអ្វីអោយតែបានមកខ្លួនឯង គឺមិនខ្វល់ពីអ្នកដ៏ទៃថា មានអារម្មណ៍បែបណានោះទេ បើគាត់មិនបានអ្នកដទៃក៏មិនបានដែរ មនុស្សបែបនេះគ្រោះថ្នាក់ណាស់ ចូរជ្រើសរើសដៃគូអោយបានប្រយ័ត្នប្រយែង ព្រោះកាលណាបើរើសខុសហើយ គឺធ្វើអោយជីវិតរបស់អ្នកខាតច្រើនណាស់ ជាពិសេសពេលវេលា៕