Boyd Sense: Sport

Home / Sport

Showing posts with label Sport. Show all posts

បើគ្មានការស៊ុតបញ្ចូលទីគ្នានៅថ្ងៃស្អែក បឹងកេតនឹងឡើងវគ្គពាក់កណ្ដាលផ្ដាច់ព្រ័ត្រ

ក្រុមបឹងកេតអង្គរនឹងឡើងវគ្គពាក់កណ្ដាលផ្ដាច់ព្រ័ត្រពានរង្វាន់ Toyota Mekong Club Championship 2015 ប្រសិនបើលទ្ធផលនៅថ្ងៃស្អែកបញ្ចប់ត្រឹម ០-០ ដោយគ្មានការស៊ុតបញ្ចូលទីគ្នា បើទោះក្រុម Yangon United លើសគ្រាប់បាល់ចំណេញក៏ដោយ។ ប៉ុន្តែបើស្មើគ្នាចាប់ពី ១-១ ឡើងទៅ ក្រុម Yangon United គឺជាអ្នកឆ្លងទៅវគ្គពាក់កណ្ដាលផ្ដាច់ព្រ័ត្រ។

ក្រុមបឹងកេតអង្គររបស់កម្ពុជា, ក្រុម Yangon United របស់ប្រទេសមីយ៉ាន់ម៉ា និងក្រុម Lao Toyota FC ត្រូវប្រកួតជម្រុះជុំដំបូងដើម្បីឡើងទៅវគ្គពាក់កណ្ដាលផ្ដាច់ព្រ័ត្រពានរង្វាន់ Toyota Mekong Club Championship 2015។ យ៉ាងណាក្ដី ក្រុម Lao Toyota FC បានអស់ឱកាសហើយ ក្រោយចាញ់ទាំងពីរប្រកួត។ ចំណែកក្រុមបឹងកេតអង្គរ ត្រូវប្រកួតជាមួយក្រុម Yangon United របស់ប្រទេសមីយ៉ាន់ម៉ា ដើម្បីកាត់សេចក្ដីនៅថ្ងៃស្អែក។

ដំបូងឡើយមានការយល់ច្រឡំថា លុះត្រាបឹងកេតអង្គរឈ្នះទើបអាចមានឱកាសឡើងទៅវគ្គពាក់កណ្ដាលផ្ដាច់ព្រ័ត្រប៉ះក្រុមមកពីវៀតណាម ដោយសារក្រុមបឹងកេតបានស៊ុតបញ្ចូលទីក្រុម Lao Toyota FC ២គ្រាប់ ខណៈក្រុម Yangon United យកឈ្នះក្រុម Lao Toyota FC ៥-២។ មានន័យថាក្រុម Yangon United មានគ្រាប់ចំណេញ៣ ឯបឹងកេតអង្គរមានតែ ២គ្រាប់ប៉ុណ្ណោះ។

យ៉ាងណាមិញ គណៈកម្មការរៀបចំការប្រកួតពានរង្វាន់ Toyota Mekong Club Championship 2015 បានពន្យល់ពីរូបមន្តដើម្បីឈានទៅវគ្គពាក់កណ្ដាលផ្ដាច់ព្រ័ត្រនៅក្នុងសន្និសីទកាលពីព្រឹកមិញនេះ ដើម្បីឲ្យកាន់តែច្បាស់។ តាមរូបមន្តពិន្ទុគ្រាប់ស៊ុតក្រៅដី ប្រសិនបើក្រុមបឹងកេតអង្គរ អាចរក្សាលទ្ធផលត្រឹម ០-០ ក៏បានឈានទៅវគ្គបន្តដែរ មិនចាំបាច់យកឈ្នះនោះទេ ប៉ុន្តែបើស្មើដោយមានគ្រាប់បាល់គឺក្រុម Yangon United ជាអ្នកឡើង។

ក្រុមបឹងកេតអង្គរបានស៊ុតបញ្ចូលទីក្រុមឡាវ Lao Toyota FC ២គ្រាប់ ដែលមួយគ្រាប់ស្មើនឹង ២ពិន្ទុ ដូចនេះមាន ៤ពិន្ទុលើគ្រាប់បាល់។ ចំណែកក្រុម Yangon United បានយកឈ្នះក្រុម Lao Toyota FC ៥-២ ក្នុងទឹកដីខ្លួន ដែលមួយគ្រាប់គិតមួយពិន្ទុ មានត្រឹម ៣ពិន្ទុប៉ុណ្ណោះ។ ដូចនេះបើស្មើគ្នា ០-០ គឺបឹងកេតលើសពិន្ទុគ្រាប់ស៊ុត តែបើស្មើគ្នាដោយមានគ្រាប់ស៊ុតចាប់ពី ១-១ ឡើងទៅ គឺពិន្ទុគ្រាប់ស៊ុតស្មើគ្នា ដូចនេះគិតតាមរូបមន្តគ្រាប់បាល់ចំណេញវិញម្ដង ដែលធ្វើឲ្យក្រុម Yangon United ជាអ្នកឡើងវគ្គពាក់កណ្ដាលផ្ដាច់ព្រ័ត្រ។ ចំពោះលទ្ធផលឈ្នះចាញ់ គឺច្បាស់ណាស់ថាក្រុមឈ្នះជាអ្នកឡើង។

ក្រុមបឹងកេតអង្គរនឹងទទួលក្រុម Yangon United របស់ប្រទេសមីយ៉ាន់ម៉ានៅវេលាម៉ោង ៦:៣០នាទីស្អែក នាទីលានពហុកីឡដ្ឋានជាតិ ក្នុងវគ្គជម្រុះដំបូង។ ក្រុម Becamex Binh Duong FC របស់វៀតណាមបានរង់ចាំនៅវគ្គពាក់កណ្ដាលផ្ដាច់ព្រ័ត្រ។ ចំណែកក្រុម Buriram United របស់ថៃរង់ចាំនៅវគ្គផ្ដាច់ព្រ័ត្រ៕

បិសាចក្រហម អាចស៊ី Leicester ឡើងកំពូលតារាងបានអត់យប់នេះ?

Sport

ក្រុមបិសាចក្រហម Manchester United នឹងធ្វើដំណើរទៅ King Power Stadium ប៉ះក្រុមកំពុងឡើងជើងខ្លាំង Leicester City ក្នុងការប្រកួត Premier League សប្ដាហ៍ទី១៤ និងជាការប្រកួតកាត់ក្តីរកក្រុមកំពូលតារាងផងដែរ នាវេលាម៉ោង១២:៣០នាទីរំលងអាធ្រាត្រយប់នេះ។

សម្រាប់ក្រុម Man Utd ដែលមានទម្រង់អន់ខ្សោយនៅតំបន់ប្រយុទ្ធនោះ មានកីឡាកររបួសដល់ទៅ៧នាក់ ខណៈដែលខាង Leicester ខ្សែប្រយុទ្ធឆ្នើម Jamie Vardy ដែលជា Top Scorer នៅ Premier League បច្ចុប្បន្ន កំពុងចង់បំបែកកំណត់ត្រាក្នុងប្រវត្តិសាស្ត្រស៊ុតចូល១១ប្រកួតជាប់ៗគ្នាក្នុងលីក បើរូបគេអាចស៊ុតចូលបិសាចក្រហមយប់នេះទៀត។

សម្ដីអ្នកចាត់ការ៖

Claudio Ranieri អ្នកចាត់ការក្រុម Leicester បាននិយាយថា៖ “វាជាការប្រកួតដ៏ធំបំផុតនៅ Premier League សប្ដាហ៍នេះ។ យើងជាក្រុមកំពូលតារាង ហើយវាពិតជាស័ក្ដិសមសម្រាប់ក្រុមយើង។ សម្រាប់ពួកយើង នេះជាការប្រកួតមួយទៀត ដែលបង្ហាញឲ្យយើងឃើញថា យើងរីកចម្រើនប៉ុណ្ណា”។

រីឯ Louis van Gaal អ្នកចាត់ការក្រុម Man Utd បាននិយាយថា៖ “បើយើងមិនបង្កើតឱកាសទេ យើងនឹងព្រួយបារម្ភ ប៉ុន្តែមិនបោះបង់ការព្យាយាមទេ។ ជាក់ស្ដែង លទ្ធផលរបស់ក្រុមយើង ក៏ល្អដែរ ដែលនេះជាមូលហេតុ ដែលយើងស្ថិតនៅលេខ២ក្នុងលីក និងនៅ UEFA Champions League”។

ជើងកីឡាករ៖

ម្ចាស់ផ្ទះ Leicester ខ្សែប្រយុទ្ធ Vardy អាចលេងបានធម្មតា ទោះបារម្ភរឿងបញ្ហាត្រគាកបន្តិចបន្តួច។ ចំណែកឯ Matty James នឹងបន្តអវត្តមាន ដោយសាររបួសជង្គង់។ ដូច្នេះ១១នាក់ដំបូងរបស់ម្ចាស់ផ្ទះអាចជា៖ Schmeichel; Simpson, Morgan, Huth, Fuchs; Drinkwater, Kante, Albrighton, Mahrez; Ulloa, Vardy។

ចំណែកឯក្រុមភ្ញៀវ Man Utd នឹងអវត្តមានកីឡាករ៧នាក់មានដូចជា Phil Jones របួសកជើង, Ander Herrera របួសសរសៃពួរ, Michael Carrick មិនទាន់ Fit ១០០%, Luke Shaw និង Antonio Valencia របួសរយៈពេលវែង ខណៈដែល Marcos Rojo និង Jesse Lingard ទើបតែមានបញ្ហារបួសទៀត។ ដូច្នេះ១១នាក់ដំបូងរបស់បិសាចក្រហម អាចជា៖ De Gea; Young, Smalling, McNair, Blind; Schneiderlin, Schweinsteiger; Depay, Rooney, Mata; Martial។

ប្រវត្តិជួបគ្នា និងស្ថិតិមួយចំនួន៖

ក្រុម២នេះ ជួបគ្នា១១ដងចុងក្រោយនៅ Premier League ក្រុម Man Utd ឈ្នះ១០ដង ប៉ុន្តែ Leicester ១ដងលើកចុងក្រោយរដូវកាលមុន ដោយលទ្ធផល ៥-៣។

Vardy ស៊ុតចូល១០ប្រកួតជាប់ៗគ្នានៅ Premier League ស្មើកំណត់ត្រារបស់វីរបុរសក្រុមបិសាចក្រហម Ruud van Nistelrooy ហើយកីឡាករជម្រើសជាតិអង់គ្លេសរូបនេះ នឹងបំបែកកំណត់ត្រា បើស៊ុតចូលយប់នេះទៀត។

១៣ប្រកួតរបស់ Leicester នៅ Premier League រដូវកាលនេះ ស៊ុតបាន៤៨គ្រាប់ ច្រើនជាងក្រុមណាៗទាំងអស់៕

ព្យាករណ៍គូនេះគឺ៖ Leicester ១-១ Man Utd, ចុះប្រិយមិត្តយល់យ៉ាងណាដែរ?

គូប្រកួតទាំងអស់យប់នេះគឺ៖

Messi ស៊ីដាច់ Ronaldo ក្នុងការបោះឆ្នោតកីឡាករ ល្អបំផុតលើលោក

Sport

ថ្មីៗនេះ Messi ត្រូវបានបោះឆ្នោតជា កីឡាករដែលល្អបំផុតនៅលើលោក តាមរយៈស្ទង់មតិមួយ ទៅលើអ្នកចាត់ការនៃក្របខណ្ឌ Brasilerao Serie A។ គ្រូបង្វឹក២០នាក់ត្រូវបានសួរសំណួរថាតើជ្រើរើស Messi ឬក៏ Ronaldo។ ចំលើយគឺគ្រាប់ពេជ្ររបស់អាហ្សង់ទីន Lionel Messi បានទទួលជ័យជម្នះភ្លូកទឹកភ្លូកដី ដោយទទួលបានជិតបីភាគបួននៃ ការបោះឆ្នោតនេះ។ ដែលផ្ទុយទៅវិញ Ronaldo តារា របស់ក្លិប Real Madrid បានសន្លឹកឆ្នោត ត្រឹមតែប្រាំក្នុងការស្ទង់មតិដែលធ្វើឡើងដោយ Pombo។ លើកលែងតែគ្រូបង្វឹក Falcao ម្នាក់គត់ ដែលគាត់មិនអាចជ្រើសរើសម្នាក់ រវាងកីឡាករទាំងពីរ។

ទន្ទឹមនឹងនេះដែរលោក Josep Maria Bartomeu ប្រធានក្លឹប Barcelona ច្រានចោលការដែលអះអាងថា Messi អាចនឹងចាកចេញទៅក្លិប Catalan។ ជាមួយគ្នានេះដែរ Messi ប្រហែលជានឹង អាចត្រូវបានលួងលោមអោយចាកចេញពី Nou Camp ទៅ Manchester United។

ថ្មីៗនេះ Messi បានត្រូវអវត្តមានដោយបញ្ហារបួសជង្គង់ ហើយបានប្រឈមមុខនឹងការត្រួតពិនិត្យ ជាមួយនិងឪពុករបស់គាត់ចំពោះបញ្ហាពន្ធ នៅក្នុងប្រទេសអេស្ប៉ាញ។ វាជាចំនុចមួយ ដែលធ្វើឱ្យគាត់ខកចិត្តនឹងឈានទៅដល់ការចាកចេញ។ លោក Bartomeu ក៏បានបញ្ជាក់ទៀតផងដែរ ទៅកាន់អ្នកដែលអះអាងថា Messi នឹងចាកចេញ ដោយនិយាយថា ៖ “វាមិនអាចទៅរួចទេ Messi មិនទៅណាទេ។

គាត់កំពុងតែត្រៀមខ្លួនសម្រាប់ការប្រកួត Madrid-Barcelona”។ ដោយឡែក Messi និង ឪពុករបស់គាត់ និយាយថា ៖ “ពួកគេមិនដែលគិតថាចង់លែងអោយក្រុមណាផ្សែងនោះទេ។ ពួកគេមិនទាន់មានការសម្រេចចិត្ត ណាមួយនៅឡើយទេនៅពេលនេះ ចំលើយប្រាកដជានឹងបានដឹងនៅពេលពេលវេលាមកដល់”។