រូបមន្ដពិសេស ដែលអាចជួយអោយសុដន់របស់អ្នកក្បំស្អាត

ដើម្បីរក្សាដើមទ្រូងនៅស្រស់ស្អាតបានយូរអង្វែងនោះ មានស្រ្ដីជាច្រើនបានចំណាយទាំងកម្លាំងចិត្ដ និងថវិការប្រើគ្រប់វិធីក្នុងការហាត់ប្រាណ ធ្វើម៉ាស្សា និងកែសម្ផស្ស។ ប្រសិនបើអ្នកចង់អោយដើមទ្រូងខ្លួនឯងរក្សាបាននូវភាពស្រស់ស្អាតបានយូរអង្វែងនោះ សូមពិនិត្យមើលខ្លឹមសារខាងក្រោមនេះ។

១-ប្រើឱសថមមិនត្រឹមត្រូវ
ការប្រើថ្នាំការពារមិនអោយមានកូន ដើម្បីកម្ចាត់មុន ឬការប្រើថ្នាំការពារមិនកូនសម្រាប់ធ្វើអោយសុដន់ឡើងក្រពុំនោះ គឺពុំត្រឹមត្រូវឡើយ ព្រោះសមាសធាតុផ្សំដ៏សំខាន់របស់ថ្នាំការពារមិនអោយមានកូន រួមមានជាតិអ័រម៉ូនញី និងអ័រម៉ូនទឹកដោះ។ ដូច្នេះប្រើប្រាស់ជាយូរអង្វែងគឺធ្វើអោយរដូវមកពុំទៀងទាត់ហើយបានត្រឹមតែធ្វើអោយសុដន់កាន់តែតូចទៅៗតែប៉ុណ្ណោះ។

២-ពុំទទួលទានជាតិប្រូតេអ៊ីនគ្រប់គ្រាន់
ការពុំទទួលទានខ្លាញ់ ឬសាច់គឺជាវិធីសម្រាប់សម្រកទម្ងន់ ដែលប្រហែលជាអាចធ្វើអោយដើមទ្រូងរបស់អ្នករួមតូចផងដែរ។ ការទទួលទានអាហារដែលសម្បូរទៅដោយជាតិប្រូតេអ៊ីន និងសារជាតិខ្លាញ់ រួមមានប្រភេទស៊ុត ត្រីសាច់ លាយខ្លាញ់តិចតួច សណ្ដែកដី និងប្រភេទសណ្ដែកគ្រប់មុខទើបអាចធ្វើអោយសុដន់របស់អ្នកឡើងក្រពុំ។

៣-ប្រើអាវទ្រនាប់មិនត្រឹមត្រូវ
មានស្រ្ដីជាច្រើនពេលទិញអាវទ្រនាប់ម្ដងៗ គឺពុំពាក់សាកមើលឡើយ។ តាមពិតលេងអាវទ្រនាប់ ដែលតូចជាងសុដន់ គឺអាចជះឥទ្ធិពលអាក្រក់ដល់ការរីកធំលូតលាស់នៃសុដន់។ ម្យ៉ាងទៀតការពាក់អាវទ្រនាប់លេខធំជាងសុដន់ គឺយូរៗទៅក៏អាចបណ្ដាលអោយសុដន់ធ្លាក់យារ។ ដូច្នេះមុននឹងទិញអាវទ្រនាប់ត្រូវជ្រើសរើសទំហំខ្នាតអោយបានត្រឹមត្រូវនិងពាក់សាកមើលសិនទើបទើបមិនខាតបង់ប្រាក់ឥតប្រយោជន៍។
ម្យ៉ាងទៀតអ្នកត្រូវទាញខ្សែអាវទ្រនាប់អោយបានត្រឹមត្រូវ និងញាត់សុដន់ទាំងមូលចូលក្នុងអាវទ្រនាប់អោយបានណែនល្អ ទើបសុដន់របស់អ្នករីកធំធាត់ល្អ។

៤-ការធ្វើចលនារាងកាយផ្សេងៗ
ការហាត់ប្រាណ ឬការលេងកីឡាបានសមស្រប គឺអាចជួយធ្វើអោយសុដន់កាន់តែមានសោភ័ណភាព។ ប៉ុន្ដែការហាត់ប្រាណ ឬការលេងកីឡាហួសកម្រិតពេកដែលពុំបានយកចិត្ដទុកដាក់ក្នុងការពាក់អាវទ្រនាប់ គឺអាចបំផ្លាញសុដន់ទៅវិញទេ។ មានអ្នកខ្លះនៅពេលហាត់ប្រាណឬលេងកីឡាម្ដងៗ តែងមានអារម្មណ៍ថា អាវទ្រនាប់ជាឧបសគ្គ ដូច្នេះពុំពាក់អាវទ្រនាប់ឡើយនៅពេលហាត់ប្រាណ។ ធ្វើបែបនេះអាចធ្វើអោយសុដន់ខូចទ្រង់ទ្រាយ ជាពិសេសពេលរត់ និងពេលលោតអន្ទាក់ ដែលពុំបានពាក់អាវទ្រនាប់អាចធ្វើអោយសុដន់ធ្លាក់យារ។

៥-ម៉ាស្សាខុសក្បួនខ្នាត់
ការធ្វើម៉ាស្សាអាចជំរុញអោយសុដន់ពេញក្រពុំល្អ។ ប៉ុន្ដែប្រសិនបើចេះតែច្របាច់តាមតែទំនើងចិត្ដ ឬក៏ច្របាច់សម្រូតចុះក្រោម គឺបានត្រឹមតែធ្វើអោយសុដន់កាន់តែតូចទៅៗប៉ុណ្ណោះ។ ដូច្នេះការធ្វើម៉ាស្សាសុដន់ដ៏ត្រឹមត្រូវគឺត្រូវលាបប្រេងនៅលើសុដន់ជាមុនសិន បន្ទាប់មកត្រូវប្រើបាតដៃរុញច្រានថ្នមៗទៅផ្នែកខាងលើជុំវិញសុដន់៕